وقت کے ساتھ یہ پتا چلے گا کہ آئینی عدالت کے قیام کا فیصلہ درست ہے یا نہیں، اعظم نزیر تاڑر
اشاعت کی تاریخ: 7th, February 2026 GMT
وفاقی وزیر قانون اعظم نزیر تاڑر نے کہا ہے کہ آئینی عدالت نے اپنا کام شروع کر دیا ہے اور وقت کے ساتھ یہ پتا چلے گا کہ یہ فیصلہ درست ہے یا نہیں۔
لاہور میں منعقدہ کانفرنس سے خطاب کرتے ہوئے ان کا کہنا تھا کہ سب سے پہلے میں آپ لوگوں کا شکریہ ادا کرتا ہوں، اس سیکشن کو اللہ تعالی اس طرح کامیاب رکھے۔ اگر کسی معاشرے سے پرامن رہنا ہے یا ترقی کرنی ہے تو ہر کسی نے اپنا رول پلے کرنا ہے۔ بطور وزیر قانون مجھے بہت تنقید ہوتی ہے، آج میں چاہتا ہوں کہ میرے پاس موقع ہے کہ سب باتیں بتا دوں۔
انہوں نے کہا کہ 26ویں آئینی ترمیم کا آغاز ہوا اور اس میں ہمیں ایک آئینی عدالت کی ضرورت تھی۔ ماضی میں ایسی مثال موجود ہے کہ سپریم کورٹ نے گریس سے باہر نکل کر کام کیا۔ سپریم کورٹ کے فیصلوں میں جب نظر ثانی کی گئی تو پتہ چلا کہ موت کی سزا کے فیصلے غلط ہو گئے۔ جو بھی ہو، یہ بات طے شدہ ہے۔ 26ویں آئینی ترمیم کے حوالے سے انہوں نے مشاہدہ کیا کہ آئینی بنچز بنائے گئے، اور اس پر سوال و جواب بھی ہوئے۔
انہوں نے بتایا کہ ججز کی ٹرانسفر کے معاملے میں صدر، وزیراعظم اور سپریم کورٹ کے چیف سے پوچھا جائے گا۔ پہلے سے بہتر اقدامات کیے گئے ہیں اور ججز کی کارکردگی کو دیکھ کر فیصلہ کیا جائے گا۔
ان کا کہنا تھا کہ اگر پنجاب کے پاس اچھے ججز ہیں اور اسلام آباد میں بھی ہیں، تو کیا سندھ اور خیبرپختونخوا کے حصے کا حق نہیں؟ آئینی عدالت نے اپنا کام شروع کر دیا ہے اور وقت کے ساتھ یہ پتا چلے گا کہ یہ فیصلہ درست ہے یا نہیں۔
اعظم نزیر تاڑر نے کہا کہ پاکستان میں آئین میں ترمیم کرنا صرف پارلیمنٹ کا حق ہے، عدالت کو اس میں کوئی اختیار نہیں ہے۔ میں آخری شخص ہوتا جو اسے قبول کرتا ہوں اور قانون کے مطابق عمل درآمد ہوتا ہے۔ جب آپ ریڈ لائن کراس کریں گے تو ایسے حالات پیدا ہوں گے۔
انہوں نے کہا کہ مسنگ پرسنز کا معاملہ صرف پاکستان میں نہیں، بلکہ پوری دنیا میں ہے۔
.
ذریعہ
ذریعہ: Express News
کلیدی لفظ: آئینی عدالت انہوں نے نے کہا
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار