چکوال پولیس نے اندھا قتل حل کر کے ملزم گرفتار کر لیا
اشاعت کی تاریخ: 7th, February 2026 GMT
چکوال کی پولیس نے ایک برس پرانے اندھے قتل کے کیس میں اہم پیش رفت کرتے ہوئے ملزم اسحاق کو گرفتار کر لیا ہے۔ پولیس کے مطابق گرفتار ملزم نے اعترافِ جرم بھی کر لیا ہے، تاہم اس کے وکیل کا کہنا ہے کہ اس واقعے کے عینی شاہد موجود نہیں ہیں۔
یہ معاملہ گزشتہ برس مارچ میں سامنے آیا تھا جب نجی ہاؤسنگ سوسائٹی کے زیرِ تعمیر تالاب میں انسانی اعضا برآمد ہوئے۔ مقتول عمران خان کے بازو پر زخم کے نشان اور انگوٹھی کی مدد سے پولیس نے سراغ لگایا۔ تفتیش کے دوران موبائل ڈیٹا سے اسحاق کے نمبر کا پتہ چلا، جس پر مقتول مسلسل رابطے میں تھا۔
انسپکٹر احمد نواز کے مطابق ملزم نے دورانِ تفتیش بتایا کہ عمران اس کے بھانجے کے قتل کا چشم دید گواہ تھا، جس پر اس نے منصوبہ بندی کر کے عمران کو قتل کیا، جسم کے ٹکڑے تالاب میں پھینکے اور ڈکیتی کا ڈرامہ رچایا تاکہ کسی پر شک نہ جائے۔
ڈی پی او کاشف ذوالفقار کے مطابق پولیس نے تمام شواہد اکٹھے کر کے مقدمہ عدالت میں چالان کر دیا ہے، اور اب عدالتی کارروائی جاری ہے۔
ذریعہ
ذریعہ: Daily Mumtaz
کلیدی لفظ: پولیس نے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار