ٹی20 ورلڈکپ: بھارت کے خلاف میچ کے بائیکاٹ پر پی سی بی نے آئی سی سی کے خط کا جواب دیدیا
اشاعت کی تاریخ: 7th, February 2026 GMT
پاکستان کرکٹ بورڈ (پی سی بی) نے ٹی20 ورلڈکپ میں بھارت کے خلاف میچ کے بائیکاٹ کے حوالے سے انٹرنیشنل کرکٹ کونسل (آئی سی سی) کے خط کا جواب ارسال کردیا ہے۔
مزید پڑھیں: میچ ریفری اینڈی پائی کرافٹ کے خلاف کارروائی کی جائے، پی سی بی نے آئی سی سی کو ایک اور خط لکھ دیا
میڈیا رپورٹس کے مطابق پی سی بی نے یہ جواب آئی سی سی کے رابطے کے بعد دیا، جبکہ اصل مواد کے بارے میں صرف آئی سی سی ہی وضاحت دے گی کہ پی سی بی نے کیا مؤقف پیش کیا۔
واضح رہے کہ پاکستان نے ورلڈکپ میں حصہ لینے کا اعلان کیا ہے لیکن بھارت کے خلاف شیڈول میچ نہ کھیلنے کا فیصلہ کیا ہے۔
یہ فیصلہ متعدد وجوہات کی بنیاد پر کیا گیا، جن میں بنگلہ دیش کے حوالے سے آئی سی سی کے مبینہ جانبدارانہ اقدامات سب سے اہم ہیں۔ حکومت پاکستان اس اقدام کے ذریعے بنگلہ دیش کے ساتھ یکجہتی ظاہر کرنا چاہتی تھی۔
حکومت کا مؤقف ہے کہ آئی سی سی کے کچھ فیصلے جانبدارانہ نظر آتے ہیں، جس سے انصاف اور برابری کے اصول متاثر ہوئے ہیں۔ ان کے مطابق آئی سی سی کے پلیٹ فارم پر ایک ملک کے لیے ایک معیار اور دوسرے ملک کے لیے مختلف معیار اپنایا جاتا ہے، اس وجہ سے احتجاج درج کرانا ضروری تھا۔
میڈیا رپورٹس کے مطابق آئی سی سی نے مسئلے کے حل کے لیے دیگر بورڈز سے بھی رابطہ کیا ہے۔
دوسری جانب سری لنکا کرکٹ نے پاکستان کرکٹ بورڈ سے بھارت کے خلاف میچ کے بائیکاٹ پر نظرثانی کی درخواست کی ہے۔
سری لنکن میڈیا کے مطابق سری لنکا کرکٹ نے پی سی بی کو لکھے گئے خط میں بتایا کہ پاکستان کے بائیکاٹ کے اعلان سے سری لنکا کے ٹورازم سیکٹر پر منفی اثر پڑا اور بڑی تعداد میں فینز نے ہوٹل بکنگ منسوخ کردی۔
مزید پڑھیں: پاکستان کا ٹی20 ورلڈ کپ میں بھارت کے ساتھ میچ نہ کھیلنے کا فیصلہ، آئی سی سی کا ردعمل آگیا
یاد رہے کہ بنگلہ دیش نے سیکیورٹی خدشات کی بنیاد پر بھارت جا کر کھیلنے سے انکار کیا تھا، جس پر آئی سی سی نے بنگلہ دیش کی جگہ اسکاٹ لینڈ کی ٹیم کو شامل کرتے ہوئے بنگلہ دیش کو ایونٹ سے ہی باہر کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی پاکستان کرکٹ بورڈ پی سی بی خط کا جواب وی نیوز.
ذریعہ
ذریعہ: WE News
کلیدی لفظ: پاکستان کرکٹ بورڈ پی سی بی خط کا جواب وی نیوز بھارت کے خلاف آئی سی سی کے پی سی بی نے کے بائیکاٹ بنگلہ دیش کے مطابق کے لیے
پڑھیں:
سپریم کورٹ؛ اے این ایف اہلکار کے چرس پینے سے متعلق جواب پر جج کے دلچسپ ریمارکس پر قہقہے
اسلام آباد:سپریم کورٹ نے منشیات برآمدگی کیس میں پانچ لاکھ روپے کے مچلکوں کے عوض لاہور کی رہائشی نازیہ مختار خواجہ کی ضمانت منظور کر لی۔
دوران سماعت، ملزمہ کے وکیل نے اے این ایف ریڈ کی سی سی ٹی وی فوٹیج چلا دی جس پر عدالت نے ملزمہ کے گھر کی سی سی ٹی وی فوٹیج کا فرانزک کروانے کا حکم دے دیا۔
جسٹس ہاشم کاکڑ کی سربراہی میں تین رکنی بینچ نے سماعت کی۔
وکیل احسن بھون نے دلائل دیے کہ واضح دیکھا جاسکتا ہے کہ اے این ایف کا اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
دوران سماعت، اے این ایف اہلکار نے فوٹیج میں موجودگی کی تردید کر دی۔
جسٹس اشتیاق ابراہیم نے ریمارکس دیے کہ اے این ایف کے اسلحہ بردار اہلکار تشدد کرتے نظر آرہے ہیں، جس پر وکیل اے این ایف نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے ریمارکس دیے کہ اے این ایف کے 10 اہلکار تھے مگر دو لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
وکیل ملزمہ احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے ریماریس دیے کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرہ عدالت میں جھوٹ نہ بولیں۔
جسٹس ہاشم کاکڑ نے ریمارکس دیے کہ اے این ایف کیا کر رہا ہے ملزمان تحویل میں ہوتے ہوئے مار دیے جاتے ہیں، ایک کیس میں ملزم کی ہتھکڑیوں کے ساتھ تصویر تھی جو اگلے روز مار دیا گیا۔
دوران سماعت، جسٹس ہاشم کاکڑ نے اے این ایف اہلکار سے مکالمہ کرتے ہوئے کہا کہ جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف اہلکار سے استفسار کیا کہ آپ نے کبھی چرس پی ہے؟ اے این ایف اہلکار نے جواب دیا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے۔ جسٹس ہاشم کاکڑ کے ریمارکس پر عدالت میں قہقہے لگ گئے۔
وزارت آئی ٹی نے 1.67 ارب روپے سے زاید کے فنڈز طلب کرلیے