پاکستان نے بھارت کو شکست دی آپ کا تو معاملہ ہی بہت آسان ہے، طاہر اشرفی نے افغانستان کو خبردار کردیا
اشاعت کی تاریخ: 7th, February 2026 GMT
پاکستان علما کونسل کے چیئرمین علامہ طاہر اشرفی نے افغانستان کو خبردار کرتے ہوئے کہا ہے کہ اگر پاکستان اپنے سے 8 گنا بڑے ملک بھارت کو شکست دے سکتا ہے تو پھر آپ کا تو معاملہ ہی بہت آسان ہے۔
قومی پیغام امن کمیٹی کے وفد نے پاکستان علما کونسل کے چیئرمین مولانا طاہر اشرفی کی قیادت میں پمز اسپتال کا دورہ کیا اور گزشتہ روز ترلائی میں ہونے والے افسوسناک خود کش دھماکے میں زخمی ہونے والوں کی عیادت کی۔
????طاہر اشرفی کی طالبان حکومت کو بڑی دھمکی
اگر پاکستان اپنے سے 8 گنا بڑے ہندوستان کو شکست فاش دے سکتا ہے تو افغانستان کا تو معاملہ بہت ہی پتلا ہے، pic.
— Mehwish Qamas Khan (@MehwishQamas) February 7, 2026
کمیٹی ممبران ،علما اور مشائخ نے خودکش دھماکے کی شدید مذمت کرتے ہوئے اس عزم کا اعادہ کیاکہ سب متحد ہو کر دہشتگردی کا مقابلہ کریں گے اور اس ناسور کا خاتمہ کریں گے۔
وفد میں تمام مکاتب فکر کے علما شامل تھے۔ وفد نے ڈاکٹروں سے زخمیوں کی صحت کے متعلق تفصیلات بھی لیں اور علاج معالجے کے عمل پر اطمینان کا اظہار کیا۔
مولانا طاہر اشرفی کی قیادت میں قومی پیغام امن کمیٹی کے وفد میں شامل علماء اور مشائخ نے ترلائی کا بھی دورہ کیا۔ دورے کے دوران وفد نے خودکش دھماکے میں شہید ہونے والوں کے اہل خانہ سے اظہار تعزیت کیا اور بلندی درجات کے لیے دعا بھی کی۔
میڈیا سے گفتگو کرتے ہوئے مولانا طاہر اشرفی نے کہا کہ جو اسلام اور پاکستان کا دشمن ہے ہم ان کے خلاف متحد ہیں۔
اس موقع پر علما اور مشائخ نے اپنی گفتگو میں اس عزم کا اعادہ کیا کہ سب متحد ہو کر دہشتگردی کا مقابلہ کریں گے اور اس ناسور کا خاتمہ کریں گے۔
مزید پڑھیں: پاکستان میں ہونیوالی دہشتگردی میں بھارت ملوث، اسلام آباد دھماکے کا ماسٹر مائنڈ افغان شہری گرفتار کرلیا، وزیر داخلہ
قومی پیغام امن کمیٹی کے ممبران اور علما و مشائخ نے کہاکہ ایسے بزدلانہ حملے پاکستان کے امن کو سبوتاژ کرنے کی ناکام کوشش ہیں۔ ملک دشمن عناصر اپنے مقاصد میں کامیاب نہیں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغانستان بھارت دہشتگردی شکست طاہر اشرفی وی نیوز
ذریعہ
ذریعہ: WE News
کلیدی لفظ: افغانستان بھارت دہشتگردی طاہر اشرفی وی نیوز طاہر اشرفی کریں گے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار