پاک چین تعاون اور برآمدات میں نئے تاریخی سنگِ میل، پاکستان کی اقتصادی ترقی کا نیا باب
اشاعت کی تاریخ: 7th, February 2026 GMT
اسلام آباد(نیوز ڈیسک) پاک چین تعاون اور برآمدات کے شعبے میں حالیہ پیش رفت نے پاکستان کی اقتصادی ترقی کے لیے ایک نئے باب کا آغاز کر دیا ہے۔ ایس آئی ایف سی کی مؤثر حکمت عملی کے نتیجے میں پاکستان عالمی شراکت داری کے ایک نئے دور میں داخل ہو چکا ہے جہاں تجارتی روابط کے ساتھ ساتھ ٹیکنالوجی کی منتقلی اور صنعتی تعاون کو بھی فروغ دیا جا رہا ہے۔
پاکستان کے فارماسیوٹیکل اور زرعی شعبے میں نمایاں کامیابیاں سامنے آئی ہیں۔ چین کے ساتھ تجارتی اور اقتصادی تعاون میں ایک اہم سنگِ میل عبور کیا گیا ہے جس کے تحت چینی زرعی ماہرین اور صنعت کے نمائندوں نے یونیورسٹی آف ایگریکلچر فیصل آباد کا دورہ کیا۔ اس موقع پر دونوں ممالک کے درمیان فارم ویلیو چین میں کاروباری شراکت داری اور جدید زرعی ٹیکنالوجی کی منتقلی کے لیے مفاہمتی یادداشتوں پر دستخط کیے گئے۔
زرعی تعاون کے ساتھ ساتھ برآمدات کے شعبے میں بھی مثبت رجحان دیکھنے میں آ رہا ہے۔ پاکستان کی چاول کی برآمدات 62 ملین ڈالر تک پہنچ گئی ہیں جبکہ نمک کی برآمدات میں 20 فیصد اضافہ ریکارڈ کیا گیا ہے۔ اسی طرح فارماسیوٹیکل مصنوعات کی برآمدات نے بھی نمایاں پیش رفت کی ہے اور 2025 میں یہ 11 ملین ڈالر سے تجاوز کر گئی ہیں۔
ماہرین کے مطابق ملکی برآمدات میں یہ اضافہ معیشت کے استحکام، روزگار کے مواقع کی فراہمی اور اقتصادی خود انحصاری کے لیے اہم ثابت ہو رہا ہے۔ زرعی پیداوار میں بہتری، صنعت میں سرمایہ کاری اور بین الاقوامی منڈیوں تک رسائی سے پاکستان کی مجموعی معاشی حالت میں بہتری آ رہی ہے۔
ایس آئی ایف سی کے عملی اقدامات کے نتیجے میں قومی معیشت کے اہم شعبوں میں تیز رفتار پیش رفت جاری ہے۔ حکومتی ذرائع کے مطابق چین کے ساتھ جاری شراکت داری مستقبل میں مزید وسعت اختیار کرے گی جس سے زرعی تحقیق، صنعتی پیداوار اور برآمدات کے نئے مواقع پیدا ہوں گے۔ یہ اقدامات نہ صرف پاکستان کی اقتصادی بنیاد کو مضبوط کریں گے بلکہ عالمی سطح پر ملک کے تجارتی تشخص کو بھی مزید بہتر بنائیں گے۔
.
ذریعہ
ذریعہ: Daily Mumtaz
کلیدی لفظ: پاکستان کی کی برآمدات کے ساتھ
پڑھیں:
سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
سعودی عرب میں ڈیجیٹل ٹیکنالوجی کے فروغ کے ساتھ عمرہ زائرین کی سہولت کے لیے تیار کی گئی مقامی موبائل ایپ ’ہُدہُد‘ (Hudhud) مکہ مکرمہ کے مذہبی، تاریخی اور سیاحتی مقامات تک آسان رسائی کا مؤثر ذریعہ بن گئی ہے۔
عرب نیوز کے مطابق سال بھر دنیا بھر سے آنے والے لاکھوں عمرہ زائرین مکہ کی سڑکوں، گلیوں اور ٹریفک سے ناواقف ہونے کے باعث دشواری کا سامنا کرتے ہیں۔ اس ضرورت کو مدنظر رکھتے ہوئے تیار کی گئی ’ہُدہُد‘ ایپ متعدد زبانوں میں دستیاب ہے اور جدید ڈیجیٹل نقشوں اور نیویگیشن سسٹم کی مدد سے زائرین کو مطلوبہ مقام تک مختصر اور آسان راستہ فراہم کرتی ہے۔
حج و عمرہ امور کے ماہر سعد الجودی نے کہا کہ مقامی سطح پر تیار کی گئی نقشہ سازی اور نیویگیشن ایپس اب زائرین کو فراہم کی جانے والی خدمات کا اہم حصہ بن چکی ہیں۔ ان کے مطابق ’ہُدہُد‘ صرف راستہ دکھانے تک محدود نہیں بلکہ زائرین کو ایسے مذہبی، تاریخی اور ثقافتی مقامات سے بھی متعارف کراتی ہے جن کے بارے میں بہت سے لوگ پہلے سے آگاہ نہیں ہوتے۔
Digital innovation is rapidly reshaping Saudi Arabia’s Hajj and Umrah services sector, and Saudi application Hudhud is another front-runner https://t.co/VPqPcDtolP pic.twitter.com/AAvP5Im9wJ
— Arab News (@arabnews) July 23, 2026
انہوں نے کہا کہ سعودی عرب میں جاری ڈیجیٹل تبدیلی اب حجاج اور عمرہ زائرین کی روزمرہ سرگرمیوں میں واضح طور پر نظر آتی ہے، کیونکہ زیادہ تر مسافر اب اپنے اسمارٹ فون کے ذریعے سفر کی منصوبہ بندی اور رہنمائی حاصل کرتے ہیں۔ ان کے بقول اس طرح کی ایپس وژن 2030 کے اس مقصد کو بھی تقویت دیتی ہیں جس کا ہدف زائرین کے تجربے کو بہتر بنانا اور جدید ٹیکنالوجی سے بھرپور استفادہ کرنا ہے۔
پہلی بار مکہ آنے والے زائر سمیر المغربی نے بتایا کہ ’ہُدہُد‘ ایپ کی مدد سے وہ بغیر کسی مشکل کے متعدد تاریخی اور مذہبی مقامات تک پہنچنے میں کامیاب ہوئے۔ ان کا کہنا تھا کہ پہلے انہیں مختلف مقامات تلاش کرنے کے لیے انٹرنیٹ پر بار بار سرچ کرنا پڑتی یا لوگوں سے راستہ پوچھنا پڑتا تھا، لیکن اس ایپ نے نہ صرف ان کا وقت بچایا بلکہ انہیں زیادہ اطمینان کے ساتھ عبادت اور تاریخی مقامات کی زیارت کا موقع بھی فراہم کیا۔
یہ بھی پڑھیں:سعودی عرب اور امریکا کے درمیان جوہری توانائی کے پرامن استعمال پر معاہدہ
سعودی حکام کا کہنا ہے کہ جدید ڈیجیٹل سہولیات، اسمارٹ ایپس اور جدید نیویگیشن سسٹمز کے ذریعے حجاج اور عمرہ زائرین کو بہتر، محفوظ اور سہل سفری تجربہ فراہم کرنا مملکت کی ترجیحات میں شامل ہے، تاکہ دنیا بھر سے آنے والے زائرین کو مکہ مکرمہ میں عبادات اور مقدس مقامات کی زیارت کے دوران زیادہ سے زیادہ سہولت میسر آ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب مکہ ہدہد ایپ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی