سانحہ مسجد و امام بارگاہ خدیجتہ الکبریٰؑ کیخلاف کراچی سمیت ملک بھر میں شدید عوامی احتجاج
اشاعت کی تاریخ: 7th, February 2026 GMT
مظاہرین نے امریکا، اسرائیل اور خارجی دہشتگرد نیٹ ورکس کے خلاف بھی شدید احتجاج کیا اور واضح پیغام دیا کہ پاکستان کی سرزمین پر کسی بھی عالمی سازش کو کامیاب نہیں ہونے دیا جائے گا۔ اسلام ٹائمز۔ پاکستانی دارالحکومت اسلام آباد میں مسجد و امام بارگاہ خدیجتہ الکبریٰ (س) میں پیش آنے والا المناک دہشتگردی کا واقعہ پوری قوم کیلئے ایک عظیم سانحہ ہے، جس میں 30 سے زائد بے گناہ نمازی شہید اور 200 سے زائد افراد زخمی ہوئے، یہ واقعہ نہ صرف ملتِ جعفریہ بلکہ پورے پاکستان کے امن، سلامتی اور مذہبی آزادی پر براہِ راست حملہ ہے، اس سفاک اور بزدلانہ دہشتگردی کے خلاف امامیہ اسٹوڈنٹس آرگنائزیشن (آئی ایس او) پاکستان کی اپیل پر کراچی سمیت ملک بھر میں بھرپور عوامی احتجاج ریکارڈ کروایا گیا۔ کراچی کے مختلف علاقوں میں ہزاروں شہریوں نے سڑکوں پر نکل کر دہشتگردی کے خلاف نفرت اور شہداء کے ساتھ یکجہتی کا اظہار کیا۔ کراچی میں نمائش چورنگی، ملیر پریس کلب، کامران چورنگی گلستانِ جوہر اور دیگر اہم مقامات پر بڑے احتجاجی مظاہرے منعقد ہوئے، جہاں مظاہرین کی بڑی تعداد موجود رہی۔
مظاہرین نے دہشتگردوں اور ان کے سہولت کاروں کے خلاف شدید نعرے بازی کی اور مطالبہ کیا کہ ذمہ دار عناصر کو عبرتناک سزا دی جائے۔ مظاہرین نے امریکا، اسرائیل اور خارجی دہشتگرد نیٹ ورکس کے خلاف بھی شدید احتجاج کیا اور واضح پیغام دیا کہ پاکستان کی سرزمین پر کسی بھی عالمی سازش کو کامیاب نہیں ہونے دیا جائے گا۔ ترجمان آئی ایس او کراچی علی غازی نے کہا کہ یہ سانحہ صرف ایک عبادت گاہ پر حملہ نہیں بلکہ پوری پاکستانی قوم کے وجود، اتحاد اور امن پر حملہ ہے، ہم حکومتِ وقت سے مطالبہ کرتے ہیں کہ شہداء کے لواحقین اور زخمیوں کیلئے فوری اور مؤثر ریلیف پیکج کا اعلان کیا جائے، مجرموں کو فوری گرفتار کرکے قرار واقعی سزا دی جائے اور عبادت گاہوں کے تحفظ کیلئے ٹھوس اور عملی اقدامات کیے جائیں۔
انہوں نے کہا کہ احتجاجی مظاہرے مکمل طور پر پُرامن ہیں، عوام نے نظم و ضبط کا مظاہرہ کیا اور متبادل سڑکوں پر ٹریفک رواں دواں رہی، تاکہ شہریوں کو کسی قسم کی پریشانی کا سامنا نہ کرنا پڑے۔ علی غازی نے کہا کہ آئی ایس او کراچی اس عزم کا اعادہ کرتی ہے کہ دہشتگردی کے خلاف جدوجہد جاری رہے گی اور شہداء کے خون کو رائیگاں نہیں جانے دیا جائے گا، پاکستان کے امن، وحدت اور خودمختاری کیلئے قوم متحد ہے اور ہر سازش کو ناکام بنایا جائے گا۔
ذریعہ
ذریعہ: Islam Times
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
وزارت آئی ٹی نے 1.67 ارب روپے سے زاید کے فنڈز طلب کرلیے