بھارت میں جھولا ٹوٹ کر پولیس اہلکاروں پر گر گیا؛ 1 ہلاک، متعدد زخمی؛ ویڈیو وائرل
اشاعت کی تاریخ: 7th, February 2026 GMT
بھارتی ریاست ہریانہ میں سورج کُند میلے کے دوران شہریوں سے بھرا ایک بڑا جھولا اچانک ٹوٹ کر زمین پر گر گیا۔
بھارتی میڈیا کے مطابق یہ جھولا جس مقام پر گرا وہاں پولیس اہلکار بھی سیکیورٹی پر مامور تھے۔ پولیس افسر سمیت متعدد افراد جھولے تلے دب گئے۔
جھولے کو اپنی مدد آپ کے تحت اُٹھا کر زخمیوں کو قریبی اسپتال منتقل کیا گیا جہاں ایک پولیس انسپکٹر جگدیش پرساد کی ہلاکت کی تصدیق کردی گئی۔
اس افسوسناک واقعے میں 2 پولیس اہلکار سمیت 17 افراد زخمی بھی ہوئے جنھیں اسپتال میں طبی امداد دی گئی جب کہ 4 کی حالت نازک ہونے کے باعث ہلاکتوں میں اضافے کا خدشہ ہے۔
تاحال حادثے کی وجہ کا تعین نہیں ہوسکا تاہم انتظامیہ کا کہنا ہے کہ تحقیقات سے معلوم کیا جائے گا کہ جھولا کس وجہ سے ٹوٹا اور کیا حفاظتی تقاضے پورے کیے گئے تھے یا نہیں۔
ابتدائی اطلاعات میں کہا گیا ہے کہ جھولا خراب یا کمزور ساخت کا محسوس ہوتا تھا البتہ ابھی کسی بھی نتیجے پر پہنچنا قبل از وقت ہوگا۔
SWING WITH DOZENS ONBOARD COLLAPSES IN INDIA, 1 KILLED pic.
واضح رہے کہ سورجکُند میلہ بھارت میں ثقافتی اور ہنر مندی کا مشہور پروگرام ہے جو ہر سال ہزاروں لوگوں کو اپنی متنوع سرگرمیوں، ہنر مندوں، کھانوں اور تفریحی جھولوں کے لیے اپنی جانب کھینچتا ہے۔
ذریعہ
ذریعہ: Express News
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے