پاک سعودی دفاعی معاہدہ شدت پسندانہ کارروائیوں کے تناظر میں علاقائی سلامتی کے لیے اہم ہے، عاصم افتخار احمد
اشاعت کی تاریخ: 8th, February 2026 GMT
اقوام متحدہ میں پاکستان کے مستقل مندوب عاصم افتخار احمد نے سعودی عرب کے ساتھ پاکستان کی اسٹریٹجک شراکت داری کو سراہتے ہوئے کہا ہے کہ حالیہ دفاعی تعاون کا معاہدہ تاریخی اہمیت کا حامل ہے اور خطے میں بڑھتی ہوئی شدت پسندانہ کارروائیوں کے تناظر میں علاقائی سلامتی کے لیے نہایت مرکزی حیثیت رکھتا ہے۔
نیویارک میں ایک انٹرویو میں عاصم افتخار احمد نے کہا کہ یہ معاہدہ نہایت اہم ہے، تاہم اسے سعودی عرب اور پاکستان کے درمیان دہائیوں پر محیط تعاون اور مضبوط اسٹریٹجک اتحاد کے تسلسل اور مضبوطی کے طور پر دیکھا جانا چاہیے۔ یہ شراکت داری ‘برادرانہ تعلقات اور علاقائی و عالمی امور پر ہم آہنگی’ پر مبنی ہے، جسے اب عملی اور ٹھوس شکل دے دی گئی ہے۔
یہ بھی پڑھیے: افغان سرزمین سے دہشتگردی پاکستان کے لیے سنگین خطرہ، عاصم افتخار
پاکستان اور سعودی عرب نے گزشتہ سال 17 ستمبر کو اسٹریٹجک باہمی دفاعی معاہدے پر دستخط کیے تھے، جس کے تحت ایک ملک پر حملہ دونوں پر حملہ تصور کیا جائے گا۔ اس معاہدے سے مشترکہ دفاعی صلاحیت میں اضافہ اور عسکری و سیکیورٹی تعاون کو باضابطہ شکل دی گئی۔ یہ معاہدہ وزیر اعظم شہباز شریف کے دورۂ ریاض کے دوران طے پایا، جہاں انہوں نے ولی عہد شہزادہ محمد بن سلمان سے ملاقات کی۔
عاصم افتخار احمد نے بتایا کہ دفاعی معاہدے کے بعد اقتصادی تعاون کے فریم ورک کو بھی حتمی شکل دی گئی، جو جامع شراکت داری کی عکاسی کرتا ہے۔ ان کے مطابق سعودی عرب پاکستان کا ایک اہم اقتصادی شراکت دار ہے اور سرمایہ کاری، تجارت اور ترقیاتی تعاون میں وسعت آ رہی ہے۔
شدت پسندی کے خلاف مؤقفپاکستان کو درپیش حالیہ دہشت گردی کی لہر پر بات کرتے ہوئے انہوں نے کہا کہ یہ واقعات پاکستان کے امن، استحکام اور معاشی بحالی کو نقصان پہنچانے کی کوشش ہیں، تاہم پاکستان ان خطرات سے مؤثر انداز میں نمٹنے کی صلاحیت رکھتا ہے۔
انہوں نے تحریک طالبان پاکستان (ٹی ٹی پی) اور بلوچ لبریشن آرمی (بی ایل اے) کو 2 بڑے گروہ قرار دیا جو دہشت گردانہ کارروائیوں کے ذریعے عدم استحکام پیدا کرنے کی کوشش کر رہے ہیں۔
عاصم افتخار احمد نے کہا کہ اگست 2021 میں کابل میں طالبان کے اقتدار میں آنے کے بعد سیکیورٹی ماحول میں تبدیلی آئی اور بعض گروہوں کو دوبارہ منظم ہونے اور سرحد پار حملوں کی منصوبہ بندی کا موقع ملا۔ انہوں نے کہا کہ پاکستان نے اس معاملے کو دوطرفہ سطح پر اور اقوام متحدہ کی سلامتی کونسل سمیت مختلف فورمز پر اٹھایا ہے، جہاں اقوام متحدہ کی رپورٹس میں افغانستان میں ٹی ٹی پی کی موجودگی کی نشاندہی کی گئی ہے۔
یہ بھی پڑھیے: بھارت کا سندھ طاس معاہدہ معطل کرنے کا اقدام عالمی قوانین کی سنگین خلاف ورزی قرار
انہوں نے کہا کہ پاکستان نے متعدد دہشت گرد عناصر کو پہلے ہی غیر مؤثر بنایا ہے اور ان گروہوں کے سہولت کاروں سے بھی آگاہ ہے، افغانستان میں غیر ملکی افواج کے انخلا کے بعد چھوڑے گئے جدید اسلحے کا حوالہ دیتے ہوئے کہا کہ اربوں ڈالر مالیت کا عسکری سازوسامان مختلف گروہوں کے ہاتھ لگا، جس کے اثرات خطے میں دیکھے جا رہے ہیں۔
معاشی بحالی اور عالمی کردارعاصم افتخار احمد کے مطابق حالیہ برسوں میں کیے گئے معاشی اصلاحاتی اقدامات، جن میں آئی ایم ایف پروگرام سے متعلق اقدامات بھی شامل ہیں، کے باعث پاکستان کے معاشی اشاریے بہتر سمت میں جا رہے ہیں اور سرمایہ کاری کا ماحول بہتر بنایا جا رہا ہے۔
انہوں نے کہا کہ چین سی پیک کے ذریعے گہری شمولیت رکھتا ہے، سعودی عرب بڑی سرمایہ کاری کے مواقع کا جائزہ لے رہا ہے، جبکہ متحدہ عرب امارات، قطر، ترکیہ اور امریکا کے ساتھ بھی اقتصادی تعلقات میں توسیع ہو رہی ہے۔
غزہ اور عالمی امورغزہ کی صورتحال پر بات کرتے ہوئے انہوں نے کہا کہ پاکستان نے اسلامی تعاون تنظیم اور عرب ممالک کے ساتھ مل کر امریکی صدر ڈونلڈ ٹرمپ کے 20 نکاتی غزہ امن منصوبے کی حمایت کی اور اس کے نفاذ کے لیے سلامتی کونسل کی قرارداد 2803 کی منظوری میں کردار ادا کیا۔
یہ بھی پڑھیے: ایران نے پاک سعودی دفاعی معاہدے میں شمولیت کی خواہش ظاہر کردی
عاصم افتخار نے زور دیا کہ مستقل جنگ بندی، تعمیر نو اور بالآخر ایک آزاد فلسطینی ریاست کے قیام کی جانب پیش رفت ہی اصل ہدف ہے۔ اقوام متحدہ کا کوئی متبادل موجود نہیں اور بیشتر رکن ممالک کثیرالجہتی نظام پر اعتماد رکھتے ہیں۔ ان کے مطابق ادارے کو مزید مؤثر اور جواب دہ بنانے کے لیے اصلاحات ضروری ہیں، تاہم مالی مشکلات کی بڑی وجہ رکن ممالک کی جانب سے واجبات کی عدم ادائیگی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ پاک سعودی دفاعی معاہدہ عاصم افتخار.
ذریعہ
ذریعہ: WE News
کلیدی لفظ: اقوام متحدہ پاک سعودی دفاعی معاہدہ عاصم افتخار عاصم افتخار احمد نے انہوں نے کہا کہ اقوام متحدہ پاکستان کے کے لیے
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار