راولپنڈی: مبینہ طور پر یوٹیلیٹی بل زیادہ آنے پر 22 سالہ نوجوان کی خودکشی
اشاعت کی تاریخ: 8th, February 2026 GMT
راولپنڈی کے تھانہ پیرودھائی کے علاقے گلی لوہاراں میں 22 سالہ نوجوان نے مبینہ طور پر خودکشی کر لی۔ واقعے سے علاقے میں افسوس اور تشویش کی فضا پھیل گئی۔
پولیس کے مطابق متوفی کی شناخت فاروق خان کے نام سے ہوئی ہے، جس نے مبینہ طور پر خود کو زخمی کر کے زندگی کا خاتمہ کیا۔ اطلاع ملتے ہی پولیس موقع پر پہنچ گئی اور شواہد اکٹھے کرتے ہوئے قریبی سی سی ٹی وی کیمروں کی فوٹیج حاصل کر لی ہے۔
علاقے میں یہ اطلاعات گردش کر رہی ہیں کہ نوجوان نے یوٹیلیٹی بل زیادہ آنے پر دلبرداشتہ ہو کر انتہائی قدم اٹھایا، تاہم پولیس کا کہنا ہے کہ ابھی خودکشی کی حتمی وجہ کا تعین نہیں ہو سکا۔
ایس ایچ او پیرودھائی کے مطابق ابتدائی طور پر واقعہ خودکشی کا معلوم ہوتا ہے، تاہم تمام پہلوؤں سے تحقیقات جاری ہیں اور حقائق تفتیش مکمل ہونے کے بعد سامنے آئیں گے۔
ذریعہ
ذریعہ: Daily Mumtaz
پڑھیں:
مستونگ میں نامعلوم افراد کی فائرنگ سے سیشن جج عبد الحکیم کاکڑ جاں بحق
ولی خان کے علاقے میں نامعلوم افراد نے سیشن جج کی گاڑی پر فائرنگ کردی۔ڈی پی او اللہ بخش بلوچ کے مطابق فائرنگ سے سیشن جج عبدالحکیم کاکڑ اور ان کا گن مین جاں بحق ہوگئے جبکہ ایڈیشنل سیشن جج طارق لاشاری سمیت 2 افراد شدید زخمی ہیں۔ڈی پی او کا بتانا ہے کہ سیشن جج اور ایڈیشنل سیشن جج کوئٹہ سے سیشن کورٹ مستونگ آرہے تھے، واقعے کے بعد علاقے کی ناکہ بندی کردی گئی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا