بنگلادیش کرکٹ بورڈ کے صدر امین الاسلام پاکستان پہنچ گئے
اشاعت کی تاریخ: 8th, February 2026 GMT
بنگلادیش کرکٹ بورڈ (بی سی بی) کے صدر امین الاسلام پاکستان پہنچ گئے ہیں۔ لاہور ایئرپورٹ پر پاکستان کرکٹ بورڈ (پی سی بی) کے چیف ایگزیکٹو آفیسر سلمان نصیر نے ان کا پرتپاک استقبال کیا۔ سلمان نصیر نے کہا کہ پاکستان میں معزز مہمان کا دل کی اتھاہ گہرائیوں سے خیرمقدم کرتے ہیں۔
صدر بی سی بی امین الاسلام، چیئرمین پی سی بی محسن نقوی سے ملاقات کریں گے اور دیگر اہم اجلاسوں میں بھی شریک ہوں گے۔
خیال رہے کہ بنگلادیش نے حال ہی میں بھارت میں ہونے والے ٹی ٹوئنٹی ورلڈ کپ 2026 میں سیکیورٹی خدشات کے باعث اپنی ٹیم کے لیے وینیوز کی تبدیلی کی درخواست کی تھی، جسے آئی سی سی نے مسترد کر دیا۔ احتجاجاً بنگلادیش نے ایونٹ سے دستبرداری کا اعلان کیا، جس کے بعد آئی سی سی نے بنگلادیش کو ایونٹ سے نکال کر اسکاٹ لینڈ کو شامل کر لیا۔
بعدازاں پاکستان نے کرکٹ کونسل کے اس اقدام کو دہرا معیار قرار دیتے ہوئے بنگلادیش کے ساتھ یکجہتی کا اظہار کیا اور بھارت کے خلاف میچ کے بائیکاٹ کا اعلان کر کے کرکٹ کی دنیا میں ہلچل مچا دی۔
ذریعہ
ذریعہ: Daily Mumtaz
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار