ورلڈ بینک کا پاکستان کے 10 سالہ ترقیاتی پروگرام کے لیے حمایت کا اعادہ
اشاعت کی تاریخ: 8th, February 2026 GMT
وفاقی وزیر خزانہ سینیٹر محمد اورنگزیب نے سعودی عرب میں ورلڈ بینک کی مینیجنگ ڈائریکٹر اینا بجرڈے سے ملاقات کی، جس میں پاکستان کے 10 سالہ ترقیاتی پروگرام پر بات چیت ہوئی۔
مزید پڑھیں: ورلڈ بینک کے صدر کا ہری پور کی تحصیل خان پور میں جولیاں اسٹوپہ کا دورہ
یہ ملاقات سالانہ ’الولا کانفرنس برائے ابھرتی ہوئی معیشتیں‘ کے موقع پر ہوئی، جہاں ابھرتی ہوئی معیشتوں کو درپیش اہم معاشی مسائل اور مواقع پر تبادلہ خیال کیا جاتا ہے۔
ملاقات میں کنٹری پارٹنرشپ فریم ورک اور ترقیاتی ترجیحات کے علاوہ توانائی، تعلیم، صحت، موسمیاتی تبدیلیوں اور مالیاتی اصلاحات پر بھی بات ہوئی۔
ورلڈ بینک کی مینیجنگ ڈائریکٹر اینا بجرڈے نے پاکستان کے 20 ارب ڈالر کے 10 سالہ ترقیاتی پروگرام کے لیے بینک کی مکمل حمایت کا اعادہ کیا اور اس بات پر زور دیا کہ پروگرام کے ترقیاتی اثرات کو زیادہ سے زیادہ کرنے کے لیے موثر عمل درآمد انتہائی اہم ہے۔
اس موقع پر وزیر خزانہ محمد اورنگزیب نے ورلڈ بینک کے ساتھ قریبی تعاون جاری رکھنے کے عزم کا اعادہ کیا اور متعلقہ وفاقی وزارتوں کے ذریعے مکمل تعاون کی یقین دہانی کرائی۔
مزید پڑھیں: ورلڈ بینک نے پاکستان کے معاشی استحکام کے لیے 70 کروڑ ڈالر کی منظوری دے دی
انہوں نے کہاکہ بہتر کوآرڈینیشن اور بروقت عملدرآمد کو یقینی بنانے کے لیے صوبائی حکومتوں کا کردار اور تعاون بھی ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان ترقیاتی پروگرام حمایت کا اعادہ ورلڈ بینک وی نیوز.
ذریعہ
ذریعہ: WE News
کلیدی لفظ: پاکستان ترقیاتی پروگرام حمایت کا اعادہ ورلڈ بینک وی نیوز ترقیاتی پروگرام پاکستان کے ورلڈ بینک کا اعادہ کے لیے
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار