انتخابی دھاندلی پر پریس کانفرنس ،جماعت اسلامی کراچی کے قائم مقام امیر گرفتار
اشاعت کی تاریخ: 8th, February 2026 GMT
سٹی 42: پولیس نے جماعت اسلامی کراچی کے قائم مقام امیر مسلم پرویز اور رکن سندھ اسمبلی محمد فاروق سمیت دیگر متعدد افراد کو گرفتار کر لیا۔
امیر جماعت اسلامی کراچی منعم ظفر نے الیکشن کمیشن سندھ کے دفتر کے باہر رہنماؤں و کارکنان کی گرفتاری پر ویڈیو بیان میں کہا کہ 8 فروری انتخابی دھاندلی کے دو سال مکمل ہونے پر عوامی پریس کانفرنس کرنا چاہتے تھے لیکن اس دوران ذمہ داران کو گرفتار کیا گیا۔
سونے کی قیمت نئی بلند ترین سطح پر پہنچ گئی
منعم ظفر نے کہا کہ جماعت اسلامی کے ذمہ داران کی گرفتاری پیپلز پارٹی کی فسطائیت کا مظہر ہے، کارکنان پُرامن رہیں اور ادارہ نور حق پہنچیں۔
دوسری جانب، گرفتار ہونے والے رکن سندھ اسمبلی محمد فاروق کا ویڈیو بیان زیرِ گردش ہے جس میں انہوں نے کہا کہ ہم پُرامن جمہوری اور قانونی طریقے سے پریس کانفرنس کرنے جا رہے تھے کہ پولیس نے گرفتار کر لیا، ہم اپنے جمہوری حق سے پیچھے ہٹنے والے نہیں۔
13 سے 15 فروری کے درمیان زلزلہ خیز سرگرمیوں کا خدشہ
ادھر، پولیس نے بتایا کہ ضلع جنوبی میں دفعہ 144 نافذ ہے اور 4 سے زائد افراد کے جمع ہونے پر پابندی ہے، جو بھی خلاف ورزی کرے گا قانون حرکت میں آئے گا۔
پولیس نے کہا کہ جماعت اسلامی کے افراد الیکشن کمیشن کے سامنے احتجاج کیلیے جمع ہوئے تھے، دفعہ 144 کی خلاف ورزی پر رہنماؤں اور کارکنوں کو حراست میں لیا، تاحال مقدمہ درج نہیں کیا گیا۔
پاک بحریہ کے سربراہ ایڈمرل نوید اشرف کا ملائیشیا کا سرکاری دورہ
ذریعہ
ذریعہ: City 42
کلیدی لفظ: جماعت اسلامی کراچی گرفتار جماعت اسلامی کراچی گرفتار جماعت اسلامی گرفتار گرفتار جماعت اسلامی جماعت اسلامی پولیس نے کہا کہ
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار