کراچی: محمد فاروق اور مسلم پرویز سمیت جماعت اسلامی کے رہنما و کارکنان گرفتار
اشاعت کی تاریخ: 8th, February 2026 GMT
اسکرین گرایب
کراچی پولیس نے جماعت اسلامی کے رکن سندھ اسمبلی محمد فاروق اور نائب امیر کراچی مسلم پرویز سمیت متعدد رہنماؤں اور کارکنوں کو حراست میں لے لیا۔
جماعت سلامی کراچی نے عام انتخابات کے 2 سال مکمل ہونے پر الیکشن کمیشن کے دفتر کے باہر پریس کانفرنس کا اعلان کیا تھا۔
الیکشن کمیشن کے باہر مقررہ وقت سے پہلے کارکنان اور رہنما جمع ہونا شروع ہوئے تو پولیس حرکت میں آگئی، انہوں نے محمد فاروق، مسلم پرویز اور متعدد کارکنوں کو گرفتار کرلیا۔
جناح ٹاؤن کے چیئرمین رضوان عبد السمیع نے کہا کہ ہمارا تنبو اکھاڑا گیا، پریس کانفرنس کرتے رہیں گے۔
ایم پی او محمد فاروق نے پریس کانفرنس سے قبل کہا کہ یہ بادشاہ سلامت کا گھر نہیں پریس کانفرنس کر تے رہیں گے۔
نائب امیر جماعت اسلامی کراچی مسلم پرویز نے محمد فاروق کے ہمراہ جوں ہی پریس کانفرنس کا آغاز کیا تو پولیس نے کریک ڈاؤن کرکے دونوں رہنماؤں سمیت متعدد کارکنان اور رہنماؤں کو حراست میں لے لیا۔
پولیس نے موقع پر پریزنر وین بھی بلالی اور جماعت اسلامی کے ساؤنڈ سسٹم کو بھی ضبط کرلیا گیا۔
.
ذریعہ
ذریعہ: Jang News
کلیدی لفظ: پریس کانفرنس جماعت اسلامی محمد فاروق مسلم پرویز
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا