مینڈیٹ چوری کیخلاف عوام کا بھرپور احتجاج، اپوزیشن اتحاد کی کامیاب ہڑتال پر مبارکباد
اشاعت کی تاریخ: 9th, February 2026 GMT
8 فروری الیکشن کو 2 سال مکمل،پی ٹی آئی کا احتجاج، مختلف شہروں میں شٹر ڈاؤن، آواز بلند کرنے کا مقصد انتخابات میں بے ضابطگیوں کیخلاف عوامی مینڈیٹ کے تحفظ کا مطالبہ ہے، پارٹی ترجمان
پاکستانی قوم کی سیاسی پختگی اور جمہوری شعور کا منہ بولتا ثبوت ہے، آئیے مل کر اس گرتے ہوئے نظام کو آخری دھکا دیں اور حقیقی جمہوریت اور آئینی حکمرانی کی راہ ہموار کریں، عوام کے نام پیغام
پاکستان میں 8 فروری 2024ء کے الیکشن کو 2 سال مکمل ہونے پر پی ٹی آئی کی جانب سے ملک بھر میں احتجاج جاری ہے، اس سلسلے میں مختلف شہروں میں شٹر ڈاؤن ہڑتال کردی گئی۔ اپوزیشن اتحاد کی جانب سے 8 فروری الیکشن میں دھاندلی کیخلاف ملک گیر احتجاج سے متعلق عوام کے نام پیغام جاری کردیا گیا۔ تفصیلات کے مطابق تحریک تحفظ آئین پاکستان کی طرف سے جاری پیغام میں پوری پاکستانی قوم کو آج 8 فروری کی کامیاب پہیہ جام و شٹر ڈاؤن ہڑتال پر خلوصِ دل سے مبارک باد پیش کی گئی، اس حوالے سے ایک بیان میں کہا گیا ہے کہ آج پورے ملک نے تاریخ رقم کی ہے، عوام نے مینڈیٹ کی چوری کے خلاف ملی بیداری کا ثبوت دیتے ہوئے اس جعلی نظام کے خلاف بھرپور احتجاج ریکارڈ کروایا ہے۔تحریک تحفظ آئین پاکستان کا کہنا ہے کہ یہ دن پاکستانی قوم کی سیاسی پختگی اور جمہوری شعور کا منہ بولتا ثبوت ہے۔ تفصیلات کے مطابق پاکستان تحریک انصاف 8 فروری 2024ء کے عام انتخابات میں مبینہ دھاندلی کے خلاف آج ملک گیر احتجاج کر رہی ہے، یہ احتجاج عمران خان کی کال پر ہو رہا ہے جس میں شٹر ڈاؤن اور پہیہ جام ہڑتال شامل ہے، ترجمان پی ٹی آئی نے کہا ہے کہ احتجاج کا مقصد انتخابات میں مبینہ بے ضابطگیوں کے خلاف آواز بلند کرتے ہوئے عوامی مینڈیٹ کے تحفظ کا مطالبہ ہے۔اس ضمن میں پاکستان تحریک انصاف کے سیکریٹری اطلاعات شیخ وقاص اکرم نے کہا کہ 8 فروری 2024ء کے عام انتخابات میں دھاندلی کے ذریعے پی ٹی آئی کا مینڈیٹ چوری کیا گیا، اس لیے 8 فروری کو ملک بھر میں پرامن شٹر ڈاؤن اور پہیہ جام کی کال دی گئی ہے، اس دن دکانیں، کاروبار، بازار اور ٹرانسپورٹ بند رکھے جائیں گے، عوام دن بھر گھروں میں رہیں اور مغرب کی نماز قریبی مساجد میں باجماعت ادا کریں۔پی ٹی آئی کی جانب سے کہا گیا ہے کہ نماز کے بعد حکومت کے خاتمے اور عمران خان و بشریٰ بی بی سمیت تمام سیاسی قیدیوں کی رہائی کے لیے دعا کی جائے گی، بعد ازاں موبائل کی لائٹ یا مشعل کے ساتھ اپنے علاقوں میں پرامن ریلیوں میں شریک ہو کر احتجاج ریکارڈ کرایا جائے گا، یہ احتجاج مکمل طور پر پرامن ہوگا، شٹر ڈاؤن اور پہیہ جام کیلئے کسی قسم کی زبردستی یا تشدد نہیں کیا جائے گا، شہری ہڑتال سے قبل گھریلو راشن و ادویات کا بندوبست کرلیں، ہنگامی صورتحال کے لیے پاور بینک، ٹارچ اور اضافی بیٹریاں ساتھ رکھیں۔
.
ذریعہ
ذریعہ: Juraat
کلیدی لفظ: انتخابات میں پی ٹی ا ئی شٹر ڈاو ن پہیہ جام کے خلاف
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
وزارت آئی ٹی نے 1.67 ارب روپے سے زاید کے فنڈز طلب کرلیے