سپریم کورٹ: بانی پی ٹی آئی سے متعلق 13 مقدمات کی سماعت آج، اہم اپیلیں مقرر
اشاعت کی تاریخ: 9th, February 2026 GMT
سپریم کورٹ میں بانی پی ٹی آئی سے متعلق 13 مقدمات کی سماعت آج ہوگی۔ چیف جسٹس یحییٰ آفریدی کی سربراہی میں 2 رکنی بنچ سماعت کرے گا، جبکہ جسٹس شاہد بلال حسن بھی بینچ کا حصہ ہوں گے۔
مزید پڑھیں: عمران خان کے ہاتھ میں بیماری کی لکیر نہیں، بانی پی ٹی آئی سے متعلق اوریا مقبول جان کے حیران انکشافات
عدالتِ عظمیٰ میں پنجاب حکومت کی جانب سے بانی پی ٹی آئی کی ضمانت کے خلاف اپیل پر سماعت ہوگی، جبکہ بشریٰ بی بی کی ضمانت کے خلاف پنجاب حکومت کی اپیل بھی آج مقرر ہے۔
اسی طرح الیکشن کمیشن کی فوجداری شکایت کے خلاف بانی پی ٹی آئی کی اپیل پر بھی سماعت ہوگی۔ عدالت بانی پی ٹی آئی کے خلاف آفیشل سیکرٹ ایکٹ اور نیب سے متعلق مقدمات کی سماعت بھی کرے گی۔
القادر ٹرسٹ کیس میں بانی پی ٹی آئی کی ضمانت کے خلاف نیب کی اپیل بھی آج سماعت کے لیے مقرر ہے، جبکہ سائفر کیس میں بانی پی ٹی آئی اور شاہ محمود قریشی کی بریت کے خلاف دائر اپیل پر بھی عدالت غور کرے گی۔
مزید پڑھیں: اسلام آباد ہائیکورٹ: بانی پی ٹی آئی کا ایکس اکاؤنٹ بند کرنے کا کیس 24 فروری تک ملتوی
اس کے علاوہ 9 مئی مقدمات میں بانی پی ٹی آئی کی ضمانت کے خلاف اپیلوں پر سماعت ہوگی، جبکہ ہتکِ عزت کیس میں شہباز شریف کے خلاف بانی پی ٹی آئی کی جانب سے دائر اپیلیں بھی آج سماعت کے لیے مقرر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانی پی ٹی آئی چیف جسٹس یحییٰ آفریدی سپریم کورٹ.
ذریعہ
ذریعہ: WE News
کلیدی لفظ: بانی پی ٹی آئی چیف جسٹس یحیی آفریدی سپریم کورٹ میں بانی پی ٹی آئی بانی پی ٹی آئی کی کی ضمانت کے خلاف
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ