کراچی: پانی کی سپلائی لائن پھٹنے کے بعد سائٹ انڈسٹریل ایریاز میں ہڑتال، کاروبار شدید متاثر
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی کے دھابے جی کے مقام پر کراچی واٹر کارپوریشن کی پانی سپلائی کی لائن پھٹنے کے ساتھ ہی سائٹ اور دیگر انڈسٹریل ایریاز کو زیر زمین پانی فراہم کرنے والے ٹھیکیداروں نے ہڑتال کر دی، جس کے باعث کاروبار شدید متاثر ہوا۔
سائٹ ایسوسی ایشن کے صدر احمد عظیم نے بتایا کہ سائٹ کی انڈسٹریز کی یومیہ 50 ملین گیلن پانی کی طلب ہے، لیکن واٹر کارپوریشن صرف ایک سے دو ملین گیلن پانی فراہم کر رہی ہے۔ کارخانے چلانے کے لیے باقی پانی زیر زمین سپلائی کرنے والے ٹھیکیدار فراہم کرتے ہیں۔
احمد عظیم نے کہا کہ دھابے جی لائن پھٹنے کے باعث کراچی بھر میں پانی کی سپلائی متاثر ہوئی ہے اور سائٹ کے انڈسٹریل ایریاز میں بھی پانی نہیں مل رہا۔ پانی فراہم کرنے والوں کی ہڑتال کے سبب 1800 یونٹس بند ہو گئے، جبکہ مجموعی طور پر 4500 فیکٹریاں متاثر ہوئیں۔
انہوں نے زور دیا کہ سندھ حکومت اور میئر کراچی کو ہنگامی بنیادوں پر اقدامات کرنا ہوں گے تاکہ فیکٹریاں دوبارہ چلیں اور ملکی معیشت متاثر نہ ہو۔
.
ذریعہ
ذریعہ: Jasarat News
پڑھیں:
سوات اور گردونواح میں زلزلے کے شدید جھٹکے
(ویب ڈیسک)چترال، سوات، دیر، شانگلہ، بونیر اور ملاکنڈ کے نواحی علاقوں میں 5.3 شدت کے زلزلے کے جھٹکے محسوس کیے گئے۔
زلزلہ پیما مرکز کے مطابق سوات اور گردونواح میں زلزلے کے جھٹکے محسوس کیے گئے، زلزلے کے جھٹکے محسوس ہوتے ہی لوگ گھروں سے نکل آئے۔
ریکٹر اسکیل پر زلزلے کے شدت 5.3 ریکارڈ کی گئی جس کی زیر زمین گہرائی 191 کلو میٹر تھی۔
زلزلے کا مرکز افغانستان کوہ ہندوکش پہاڑی سلسلہ تھا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزارت آئی ٹی نے 1.67 ارب روپے سے زاید کے فنڈز طلب کرلیے