چین نے امریکا کے خفیہ جوہری تجربات کے الزامات کی تردید کردی
اشاعت کی تاریخ: 9th, February 2026 GMT
چین نے امریکا کے خفیہ جوہری تجربات کے الزامات کی سخت سے تردید کردی ہے۔
پیر کے روز امریکا کے الزامات کی تردید کی کہ اس نے خفیہ جوہری تجربات کیے، چین نے الزامات کو جھوٹ قرار دیتے ہوئے واشنگٹن پر اپنے تجربات شروع کرنے کے بہانے تراشنے کا الزام عائد کیا۔
یہ بھی پڑھیں: چین نے امریکی صدر کے ایٹمی تجربات کے دعوے کو بے بنیاد اور غیر ذمہ دارانہ قرار دے دیا
چین کی وزارتِ خارجہ نے ایک بیان میں کہا کہ ’امریکی الزامات بالکل بے بنیاد اور جھوٹ ہیں۔ چین سختی سے امریکا کی اپنی جوہری تجربات دوبارہ شروع کرنے کے لیے بہانے تراشنے کی کوشش کی مخالفت کرتا ہے، چین نے واشنگٹن سے فوری طور پر غیر ذمہ دارانہ اقدامات بند کرنے کا مطالبہ بھی کیا۔
یاد رہے کہ اکتوبر میں امریکی صدر ڈونلڈ ٹرمپ نے کہا تھا کہ واشنگٹن ماسکو اور بیجنگ کے برابر جوہری ہتھیاروں کے تجربات دوبارہ شروع کرے گا، تاہم انہوں نے اس نوعیت یا طریقہ کار کی وضاحت نہیں کی۔
یہ بھی پڑھیں: صدر ٹرمپ کا زیرِ زمین جوہری تجربات کو خارج از امکان قرار دینے سے انکار
یاد رہے کہ جنیوا میں اقوامِ متحدہ کی غیر جوہری ہتھیاروں کی کانفرنس میں امریکا کے زیرِ صدارت اسلحہ کنٹرول کے لیے سیکریٹری تھامس ڈِنانو نے چین پر 22 جون 2020 کو تجربات کرنے اور بڑے جوہری تجربات کی تیاری کا الزام عائد کیا تھا۔
تھامس ڈِنانو کے بیانات اس وقت سامنے آئے جب وہ امریکا کے نئے منصوبے کا اعلان کررہے تھے، جس کے تحت روس اور چین کے ساتھ 3 فریقی مذاکرات کے ذریعے نئے جوہری ہتھیاروں کی حد بندی طے کی جائے، جبکہ واشنگٹن اور ماسکو کے درمیان آخری اہم معاہدہ گزشتہ جمعرات کو ختم ہوچکا ہے۔
یہ بھی پڑھیں: ایران کا ٹرمپ پر دوغلے پن کا الزام، جوہری تجربات کے اعلان کی مذمت
چین نے پہلے ہی کہا ہے کہ وہ اس مرحلے پر غیر جوہری ہتھیاروں کے مذاکرات میں شامل نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا جوہری تجربات چین.
ذریعہ
ذریعہ: WE News
کلیدی لفظ: امریکا جوہری تجربات چین جوہری ہتھیاروں جوہری تجربات امریکا کے تجربات کے چین نے
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا