کراچی میں رواں سال آتشزدگی کے 225 واقعات
اشاعت کی تاریخ: 10th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر)کراچی میں رواں سال کے پہلے ہی ماہ کے دوران آتشزدگی کے واقعات میں تشویشناک اضافہ ریکارڈ کیا گیا ہے۔ محکمہ فائربریگیڈ کی جاری کردہ رپورٹ کے مطابق جنوری کے مہینے میں شہر بھر میں آتشزدگی کے مجموعی طور پر 225 واقعات پیش آئے، جن میں سب سے بڑا اور خوفناک واقعہ گل پلازہ میں پیش آیا جس نے پورے شہر کو ہلا کر رکھ دیا۔فائربریگیڈ حکام کے مطابق ان واقعات کے نتیجے میں 2 بچوں اور 8 خواتین سمیت مجموعی طور پر 83 افراد جاں بحق ہوئے، جبکہ ایک بچے سمیت 24 افراد زخمی بھی ہوئے، جنہیں مختلف اسپتالوں میں طبی امداد فراہم کی گئی۔رپورٹ میں بتایا گیا ہے کہ ضلع وسطی آتشزدگی کے واقعات کے لحاظ سے سرفہرست رہا، جہاں ایک ماہ کے دوران 30 واقعات رپورٹ ہوئے۔ اسی طرح صدر کے علاقے میں 18 آتشزدگی کے واقعات پیش آئے۔
ذریعہ
ذریعہ: Jasarat News
کلیدی لفظ: ا تشزدگی کے
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا