اسلام آباد انڈس اے آئی ویک 2026 کا آغاز
اشاعت کی تاریخ: 10th, February 2026 GMT
اسلام آباد میں ملک میں مصنوعی ذہانت کے فروغ کے لیے منعقدہ انڈس اے آئی ویک 2026 کا باضابطہ آغاز ہو گیا۔
یہ بھی پڑھیں: پاکستان ’اے آئی‘ کے میدان میں آگے بڑھنے لگا، نوجوان ماہرین اور اسٹارٹ اپس کے لیے بے شمار مواقع
اس قومی سطح کے ایونٹ میں حکومتی اداروں، تعلیمی ماہرین، ٹیکنالوجی کمپنیوں اور نجی شعبے کے نمائندے شریک ہیں۔
انڈس اے آئی ویک 2026 کا مقصد پاکستان میں مصنوعی ذہانت کے استعمال کو فروغ دینا، نوجوانوں کو جدید ٹیکنالوجی سے روشناس کرانا، ہنر مند افرادی قوت تیار کرنا اور ڈیجیٹل معیشت کے نئے مواقع پیدا کرنا ہے۔
اس ایونٹ کے ذریعے عوام، صنعت، تعلیمی اداروں اور پالیسی سازوں کے درمیان رابطوں کو مضبوط بنایا جا رہا ہے۔
یہ ہفتہ 9 سے 15 فروری 2026 تک جاری رہے گا اور اسے وفاقی وزارت اطلاعاتی ٹیکنالوجی و ٹیلی کمیونیکیشن کے اشتراک سے منایا جا رہا ہے۔
اس دوران مصنوعی ذہانت سے متعلق آگاہی بڑھانے، تربیت فراہم کرنے اور سرمایہ کاری کے مواقع اجاگر کرنے پر توجہ دی جائے گی۔
ایونٹ کے دوران کاروباری نمائشیں، تربیتی ورکشاپس، عوامی مباحثے اور مختلف سرگرمیاں منعقد کی جا رہی ہیں جن کا مقصد مصنوعی ذہانت کو عام لوگوں تک پہنچانا اور عملی سطح پر اس کے استعمال کو فروغ دینا ہے۔
مزید پڑھیے: پاکستان کی پہلی سرکاری اے آئی اوتار ’لیلیٰ‘ کیا کام کرے گی؟
ملکی بڑی ٹیکنالوجی کمپنیاں بھی انڈس اے آئی ویک 2026 میں شریک ہیں اور اپنی جدید مصنوعات اور خدمات کی نمائش کر رہی ہیں، جس سے پاکستان میں ڈیجیٹل جدت اور مقامی ٹیکنالوجی کے فروغ کو تقویت مل رہی ہے۔
مختلف اسٹارٹ اپس کے مالکان کا کہنا تھا کہ انڈس اے آئی ویک 2026 سے نہ صرف ان کے کاروباروں کو فائدہ پہنچے گا بلکہ حکومتی سطح پر ان کے اسٹارٹپس کو پہچان بھی ملے گی۔
ان کا یہ بھی کہنا تھا کہ اگر ان کے نئے اور جدید آئیڈیاز حکومت یا کسی بھی ادارے کو پسند آتے ہیں تو باہمی تعاون (کولیبریشن) کے مواقع پیدا ہوں گے جس سے ان کے کاروبار کو مزید ترقی ملے گی۔
کچھ نئے اسٹارٹ اپس کے نمائندوں نے کہا کہ اس نوعیت کے ایونٹس ان کی مصنوعات اور خدمات کی مارکیٹنگ کے لیے انتہائی فائدہ مند ثابت ہوتے ہیں۔
انہوں نے حکومت کا شکریہ ادا کرتے ہوئے کہا کہ اگرچہ وہ آن لائن مارکیٹنگ کر رہے ہیں تاہم حکومتی سطح پر منعقد کیے گئے فزیکل ایونٹس میں شرکت سے براہِ راست رابطہ اور اعتماد سازی ممکن ہوتی ہے جو کاروباری فروغ میں اہم کردار ادا کرتی ہے۔
شرکا کا کہنا تھا کہ ایسے ایونٹس نوجوان کاروباری افراد کو نہ صرف اپنی صلاحیتیں دکھانے کا موقع دیتے ہیں بلکہ قومی سطح پر نیٹ ورکنگ اور سرمایہ کاری کے دروازے بھی کھولتے ہیں۔
مزید پڑھیں: پاکستانی سائنسدانوں نے اے آئی جیو سائنس میں انقلابی تحقیق پر اعلیٰ اعزازات حاصل کرلیے
انڈس اے آئی ویک 2026 کو پاکستان میں مصنوعی ذہانت کے منصوبوں کو عملی شکل دینے اور عوام، نجی شعبے اور تعلیمی اداروں کے درمیان تعاون بڑھانے کا ایک اہم موقع قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اے آئی پاکستان مصنوعی ذہانت نڈس اے آئی ویک 2026.
ذریعہ
ذریعہ: WE News
کلیدی لفظ: اسلام اباد اے ا ئی پاکستان مصنوعی ذہانت نڈس اے آئی ویک 2026 انڈس اے آئی ویک 2026 مصنوعی ذہانت اے ا ئی کے لیے
پڑھیں:
فیفا ورلڈکپ 2026 ، کونسی ٹیم فیورٹ؟، اوپٹا سپر کمپیوٹر نے حیران کن پیشگوئی کردی
دنیائے کھیل کا سب سے بڑا اور مقبول ترین میلہ ’فیفا فٹبال ورلڈکپ 2026‘ اپنی تمام تر رعنائیوں کے ساتھ 12 جون سے شروع ہونے جا رہا ہے۔
فٹبال کی تاریخ کا یہ اب تک کا سب سے انوکھا اور تاریخی ٹورنامنٹ ہوگا جس کی مشترکہ میزبانی امریکا، میکسیکو اور کینیڈا کر رہے ہیں۔
اس بار ورلڈکپ محض ایک کھیل نہیں بلکہ اعصاب کی جنگ ثابت ہونے والا ہے، کیونکہ تاریخ میں پہلی بار 32 کے بجائے 48 ٹیمیں عالمی اعزاز کے لیے ایک دوسرے سے ٹکرائیں گی۔
یہ بھی پڑھیں:104 میچز، 48 ٹیمیں اور اربوں شائقین، فیفا ورلڈ کپ 2026 میں کیا کچھ نیا ہونے جارہا ہے؟
جہاں شائقین کا جوش و خروش عروج پر ہے، وہی کھیلوں کے معروف ڈیٹا ماڈل ’اوپٹا سپر کمپیوٹر‘ نے آرٹیفیشل انٹیلی جنس کی مدد سے 10 ہزار سیمولیشنز تیار کر کے فاتح ٹیم کے حوالے سے ایک سنسنی خیز پیشگوئی کر دی ہے۔
ٹورنامنٹ کا نیا فارمیٹ اور راؤنڈ آف 32 کا تاریخی آغازماضی کے برعکس اس بار ٹورنامنٹ کے ڈھانچے میں بڑی تبدیلیاں کی گئی ہیں۔ ٹورنامنٹ میں شریک 48 ٹیموں کو 12 گروپس میں تقسیم کیا گیا ہے اور ہر گروپ 4 ٹیموں پر مشتمل ہے۔
اس نئے فارمیٹ کے تحت ایونٹ کے دوران مجموعی طور پر ریکارڈ 104 میچز کھیلے جائیں گے۔ ہر گروپ سے پہلے اور دوسرے نمبر پر آنے والی ٹیمیں ناک آؤٹ مرحلے میں کوالیفائی کریں گی، جس سے ایونٹ کی تاریخ میں پہلی بار ’راؤنڈ آف 32′ کا سنسنی خیز آغاز ہوگا۔
زیادہ ٹیموں کی شمولیت کے باعث جہاں مقابلوں کا جوش بڑھے گا، وہیں کسی بھی ٹیم کے لیے فائنل تک کا سفر طویل اور تھکا دینے والا ہوگا۔
اوپٹا سپر کمپیوٹر کیا ہے اور یہ کیسے کام کرتا ہے؟شائقین فٹبال کے لیے یہ جاننا ضروری ہے کہ ’اوپٹا سپر کمپیوٹر‘ کوئی روایتی فزیکل کمپیوٹر نہیں ہے۔ یہ دراصل آرٹیفیشل انٹیلی جنس (اے آئی) ٹیکنالوجی پر مبنی ایک انتہائی ایڈوانس ماڈل ہے جو فٹبالرز اور ٹیموں کے موجودہ فارم، ماضی کے ریکارڈز اور ہزاروں دیگر ڈیٹا پوائنٹس کا تجزیہ کرتا ہے۔
یہ ماڈل ڈیٹا کی بنیاد پر پورے ٹورنامنٹ کو 10 ہزار سے زیادہ بار ڈیجیٹل طور پر سیمولیٹ کرتا ہے اور پھر پیشگوئی کرتا ہے کہ کس ٹیم کے ٹورنامنٹ جیتنے، فائنل میں پہنچنے یا کسی خاص میچ میں کامیابی حاصل کرنے کے کتنے فیصد امکانات موجود ہیں۔
’اسپین‘ فیورٹ، مگر ایک بڑا دھچکا بھیاوپٹا سپر کمپیوٹر کی 10 ہزار ڈیجیٹل سیمولیشنز کے بعد جو نتائج سامنے آئے ہیں، انہوں نے فٹبال کی دنیا کو حیران کر دیا ہے۔ ماڈل نے تمام تر غیریقینی صورتحال کے باوجود ’اسپین‘ کو ٹرافی جیتنے کے لیے واضح طور پر فیورٹ قرار دیا ہے۔
مزید پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
سپر کمپیوٹر کے مطابق اسپین کے ورلڈکپ جیتنے کا امکان 16.1 فیصد ہے۔ تاہم دلچسپ اور پریشان کن بات یہ ہے کہ جہاں اسپین کو فاتح قرار دیا گیا ہے، وہیں ڈیٹا یہ بھی بتاتا ہے کہ اسپین وہ واحد بڑی ٹیم ہے جس کے کوارٹر فائنل تک نہ پہنچنے کا امکان 52.1 فیصد ہے۔ یعنی اگر اسپین ابتدائی ناک آؤٹ مرحلے عبور کرنے میں کامیاب رہا، تو اس کے سیمی فائنل میں پہنچنے کا امکان 39 فیصد جبکہ فائنل میں پہنچنے کا امکان 25.6 فیصد ہوگا۔
دیگر بڑی ٹیموں کے جیتنے کے امکاناتسپر کمپیوٹر کے مطابق ٹرافی کی دوڑ میں اسپین تنہا نہیں ہے بلکہ دیگر روایتی حریف بھی اس کے تعاقب میں ہیں۔ سپر کمپیوٹر نے 4 بڑی ٹیموں کے جیتنے کے امکانات کو 10 فیصد سے زیادہ قرار دیا ہے۔ اس فہرست میں فرانس دوسرے نمبر پر ہے جس کے ورلڈکپ جیتنے کا امکان 13 فیصد ظاہر کیا گیا ہے۔ اسی طرح انگلینڈ 11.2 فیصد امکان کے ساتھ تیسرے اور لیونل میسی کی ارجنٹینا (دفاعی چیمپیئن) 10.4 فیصد امکان کے ساتھ چوتھے نمبر پر ممکنہ فاتح قرار دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین امریکا اوپٹا سپر کمپیوٹر برطانیہ ٹیم فیورٹ حیران کن پیش گوئی فیفا ورلڈ کپ لندن ورلڈ کپ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ