جارجیا میں ہنگامی لینڈنگ کے دوران طیارہ گاڑیوں سے ٹکرا گیا، متعدد افراد زخمی
اشاعت کی تاریخ: 10th, February 2026 GMT
امریکی ریاست جارجیا میں ہنگامی لینڈنگ کے دوران ایک چھوٹا طیارہ سڑک پر موجود کئی گاڑیوں سے ٹکرا گیا جس کے نتیجے میں متعدد افراد زخمی ہوگئے۔
گینزویل پولیس ڈیپارٹمنٹ کے مطابق واقعہ پیر کی دوپہر اس وقت پیش آیا جب سنگل انجن طیارہ، ہاکر بیچ کرافٹ بی ای-36، اٹلانٹا کے شمال میں مختصر پرواز کے دوران انجن میں خرابی کا شکار ہوگیا۔ فیڈرل ایوی ایشن ایڈمنسٹریشن (ایف اے اے) نے بتایا کہ طیارے کو تقریباً 12 بج کر 10 منٹ پر انجن کے مسائل کا سامنا ہوا۔
یہ بھی پڑھیے: کولمبیا میں طیارہ حادثہ، قانون ساز سمیت 15 افراد ہلاک
پولیس کے مطابق حادثے میں کئی افراد کو معمولی چوٹیں آئیں، جبکہ ایک ڈرائیور سمیت 2 افراد کو طبی امداد کے لیے مقامی اسپتال منتقل کیا گیا۔
پولیس کی جانب سے جاری تصاویر میں سفید رنگ کے طیارے کو سڑک کے ایک چوراہے کے قریب دیکھا جا سکتا ہے جس کے اگلے حصے اور دائیں بازو کو نقصان پہنچا۔ ایک تصویر میں ایک ایس یو وی کی اگلی باڈی بھی متاثر دکھائی دیتی ہے جبکہ فائر ڈیپارٹمنٹ کا عملہ جائے وقوعہ پر امدادی کارروائیوں میں مصروف ہے۔
حکام کے مطابق طیارہ گینزویل کے لی گلمر میموریل ایئرپورٹ سے اڑان بھر کر چیروکی کاؤنٹی ریجنل ایئرپورٹ کینٹن جا رہا تھا، تاہم پرواز کے فوراً بعد انجن کی رفتار (آر پی ایم) سے متعلق مسائل سامنے آئے۔ طیارے میں 2 پائلٹ سوار تھے جنہوں نے واپسی کا فیصلہ کیا۔
یہ بھی پڑھیے: انڈیا: مہاراشٹر کے نائب وزیر اعلیٰ اجیت پوار طیارہ حادثے میں ہلاک
نیشنل ٹرانسپورٹیشن سیفٹی بورڈ (این ٹی ایس بی) کے مطابق پائلٹ نے محسوس کیا کہ طیارے میں اتنی طاقت نہیں کہ وہ واپس ایئرپورٹ تک پہنچ سکے، جس پر انہوں نے سڑک پر ہنگامی لینڈنگ کی کوشش کی۔ اس دوران طیارہ 3 گاڑیوں سے ٹکرا گیا۔
پولیس کا کہنا ہے کہ طیارے کے دائیں بازو کے ایک گاڑی سے ٹکرانے پر فیول ٹینک الگ ہو کر ایس یو وی کے پچھلے حصے سے جا ٹکرایا اور گاڑی کے اندر جا گرا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پائلٹ جہاز حادثہ طیارہ.
ذریعہ
ذریعہ: WE News
کلیدی لفظ: پائلٹ جہاز طیارہ کے مطابق
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے