شہباز شریف کا شکریہ جنہوں نے پاک بھارت میچ کو یقینی بنایا: سری لنکن صدر
اشاعت کی تاریخ: 10th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سری لنکا کے صدر انورا کمارا نے ٹی ٹوئنٹی ورلڈ کپ میں بھارت کے خلاف میچ کھیلنے کی اجازت دینے پر وزیرِ اعظم شہباز شریف کا شکریہ ادا کیا ہے۔
صدر انورا کمارا نے وزیرِ اعظم شہباز شریف سے ٹیلی فونک رابطے کے بعد سوشل میڈیا پر جاری بیان میں کہا کہ شہباز شریف نے پاک بھارت میچ کو یقینی بنانے میں اہم کردار ادا کیا۔ انہوں نے کہا کہ ہم سب جس کھیل سے محبت کرتے ہیں، اسے جاری رکھنے میں کردار ادا کرنے پر وزیرِ اعظم شہباز شریف کے شکر گزار ہیں۔
سری لنکن صدر نے اپنے پیغام میں خوشی کا اظہار کرتے ہوئے کہا کہ کولمبو میں شیڈول پاک بھارت میچ منصوبے کے مطابق ہی کھیلا جائے گا۔
اس سے قبل وزیرِ اعظم شہباز شریف اور صدر انورا کمارا کے درمیان ٹیلی فونک رابطہ ہوا تھا، جس میں سری لنکن صدر نے بھارت کے خلاف میچ کھیلنے کے لیے درخواست کی تھی۔
وزیرِ اعظم شہباز شریف نے سری لنکن صدر کے جذبات کا خیر مقدم کرتے ہوئے کہا کہ مشکل ادوار میں سری لنکا نے پاکستان کے ساتھ بھرپور تعاون کیا اور ملک میں کرکٹ کے تسلسل کو یقینی بنایا۔
وزیرِ اعظم نے صدر انورا کمارا کو یقین دلایا تھا کہ پاک بھارت میچ سے متعلق مشاورت کے بعد حتمی فیصلے سے آگاہ کیا جائے گا۔
ذریعہ
ذریعہ: Jasarat News
کلیدی لفظ: اعظم شہباز شریف پاک بھارت میچ کہا کہ
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار