بلدیاتی انتخابات کے لیے قانون فریم ورک سست روی کا شکار
اشاعت کی تاریخ: 10th, February 2026 GMT
لاہور (ڈیلی پاکستان آن لائن) بلدیاتی انتخابات کے لیے قانون فریم ورک سست روی کا شکار ہو گیا، الیکشن کمیٹی بلدیاتی انتخابات کے قوانین کی رپورٹ جمع نہ کروا سکی۔
نجی ٹی وی چینل دنیا نیوز کے مطابق پنجاب لوکل گورنمنٹ الیکشن رولز رپورٹ آج بھی الیکشن کمیشن میں جمع نہ کرائی جاسکی۔ ڈپٹی کمشنر نے اربن رولرز کی حدبندی رپورٹ الیکشن کمیٹی کو بھیج دی۔ الیکشن کمیشن کے بلدیاتی الیکشن رولز کے اعتراضات کو دور کر دیا گیا۔
الیکشن رولز 2025 کی سمری پنجاب حکومت کو بھجوائی جائے گی جبکہ الیکشن رولز تیار کر کے الیکشن کمیشن کو بھجوا دیئے گئے ہیں۔ ڈیمارکشن رولز پر مشاورت کے بعد سمری پنجاب حکومت کو بھجوائی جائے گی۔
سونے کی فی تولہ قیمت میں1500 روپے کا اضافہ
محکمہ بلدیات بلدیاتی انتخابات کی ورکنگ پر 3 سمریاں حکومت کو بھیجے گی۔ الیکشن رولز میں فارم 45 اور فارم 47 پر اعتراض کو دور کیا گیا۔ اس کے ساتھ ہی بلدیاتی الیکشن کا طریقہ کار مکمل واضح کر دیا گیا۔
خیال رہے کہ حکومت پنجاب کو الیکشن رولز کی سمری منطوری کے لیے بھجوا دی گئی ہے۔ حد بندیاں اور رولز مکمل ہونے کے بعد حلقہ بندی ہو گی۔
واضح رہے کہ الیکشن کمیٹی بلدیاتی انتخابات کے قوانین کی رپورٹ آج جمع کروانے کی پابند تھی۔
مزید :.
ذریعہ
ذریعہ: Daily Pakistan
کلیدی لفظ: بلدیاتی انتخابات کے الیکشن رولز
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان