عمران خان کی جیل میں حالت جانچنے کے لیے سلمان صفدر فرینڈ آف کورٹ مقرر
اشاعت کی تاریخ: 10th, February 2026 GMT
اسلام آباد: سپریم کورٹ نے بانی پاکستان تحریک انصاف عمران خان کی جیل میں حالت سے متعلق معاملے پر اہم پیش رفت کرتے ہوئے ایڈووکیٹ سلمان صفدر کو فرینڈ آف دی کورٹ مقرر کر دیا ہے اور انہیں ہدایت کی ہے کہ وہ جیل جا کر عمران خان کی لیونگ کنڈیشن اور دستیاب سہولیات سے متعلق تحریری رپورٹ عدالت میں جمع کرائیں۔
یہ ہدایت عمران خان سے ان کے وکلا کی ملاقات سے متعلق دائر درخواست کی سماعت کے دوران جاری کی گئی۔
سماعت چیف جسٹس یحییٰ آفریدی اور جسٹس شاہد بلال حسن پر مشتمل دو رکنی بینچ نے کی۔ یاد رہے کہ گزشتہ سماعت پر بانی پی ٹی آئی کی جیل میں حالت زار کے حوالے سے رپورٹ طلب کی گئی تھی، تاہم عدالت نے اس بات پر زور دیا تھا کہ دوسرے فریق کو سنے بغیر کیس کے قابلِ سماعت ہونے سے متعلق کوئی حتمی حکم جاری نہیں کیا جا سکتا۔
سماعت کے آغاز پر چیف جسٹس پاکستان نے ایڈووکیٹ لطیف کھوسہ کو بات کرنے سے روک دیا، جس کے بعد اٹارنی جنرل منصور عثمان اعوان عدالت میں پیش ہوئے۔ اٹارنی جنرل نے مؤقف اختیار کیا کہ 24 اگست 2023 کے حکمنامے کی روشنی میں تحریری جواب چیمبر میں جمع کرا دیا گیا تھا، جب بانی پی ٹی آئی اٹک جیل میں قید تھے۔ ان کے مطابق 28 اگست 2023 کو میڈیکل رپورٹس سمیت مکمل جواب عدالت میں جمع کرا دیا گیا تھا، جس میں 5 اگست سے 18 اگست تک کی طبی رپورٹس شامل تھیں۔
چیف جسٹس نے ریمارکس دیے کہ 24 اگست 2023 کے بعد ایسا کوئی عدالتی حکم ریکارڈ پر موجود نہیں جس پر سپریم کورٹ نے اطمینان کا اظہار کیا ہو۔ اسی تناظر میں عدالت نے ایڈووکیٹ سلمان صفدر کو فرینڈ آف دی کورٹ مقرر کرنے کا فیصلہ کیا اور واضح کیا کہ عدالت کو ان پر مکمل اعتماد ہے۔
سپریم کورٹ نے سلمان صفدر کو ہدایت کی کہ وہ اڈیالہ جیل جا کر بانی پی ٹی آئی کی لیونگ کنڈیشن اور انہیں فراہم کی جانے والی سہولیات سے متعلق تفصیلی تحریری رپورٹ جمع کرائیں۔ چیف جسٹس نے واضح طور پر کہا کہ فرینڈ آف دی کورٹ ہونے کے ناطے سلمان صفدر کو جیل کے باہر انتظار نہ کرایا جائے اور انہیں مکمل احترام کے ساتھ رسائی دی جائے۔ عدالت نے یہ بھی کہا کہ اگر انہیں کسی قسم کی دشواری کا سامنا ہو تو چیف جسٹس کا ذاتی اسٹاف آفیسر دستیاب ہوگا۔
بعد ازاں عدالت نے حکم نامہ جاری کرتے ہوئے سلمان صفدر کو ہدایت کی کہ وہ کل تک اپنی رپورٹ جمع کرائیں، جبکہ کیس کی سماعت پرسوں تک ملتوی کر دی گئی۔
سماعت کے اختتام پر لطیف کھوسہ نے ملاقات کی اجازت کی استدعا کی، تاہم عدالت نے ان کی درخواست مسترد کرتے ہوئے فوری طور پر سلمان صفدر کو اڈیالہ جیل جانے کا حکم دے دیا۔
.
ذریعہ
ذریعہ: Al Qamar Online
کلیدی لفظ: پاکستان کھیل سلمان صفدر کو چیف جسٹس عدالت نے جیل میں
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ