روبوٹس کی راہبوں کیساتھ مارشل آرٹ کی ٹریننگ، ویڈیو وائرل
اشاعت کی تاریخ: 10th, February 2026 GMT
چین میں روبوٹس نے راہبوں کے ساتھ چینی مارشل آرٹ ’کنگ فو‘ کی ٹریننگ کی۔
یہ حیران کن اور غیر معمولی منظر چین کے صوبے ہینان کے مشہور شاؤلن ٹیمپل میں دیکھنے کو ملا۔
قدیم روایت اور جدید ٹیکنالوجی کے اس نایاب امتزاج نے تیزی سے دنیا بھر کے لوگوں کی توجہ مبذول کرا لی ہے۔
View this post on InstagramA post shared by China Insider (@chinainsider)
انسان نما روبوٹس کی راہبوں کے ساتھ شاؤلن کنگ فو کی ٹریننگ کرتے ہوئے ویڈیو سوشل میڈیا پر وائرل ہو گئی۔
سوشل میڈیا پر وائرل ویڈیو میں انسان نما روبوٹس ٹریننگ کے دوران چینی مارشل آرٹ ’کنگ فو‘ کے سارے اسٹیپس شاندار انداز میں کاپی کرتے نظر آ رہے ہیں۔
روبوٹس نے ہر اسٹیپ کی بہت احتیاط سے نقل کی، بالکل اسی طرح جیسے ایک انسانی طالب علم اپنے استاد کو دیکھ کر سیکھتا ہے۔
سوشل میڈیا صارفین روبوٹکس کے شعبے کی یہ ترقی دیکھ کر دنگ رہ گئے اور یہ سوال کرتے نظر آ رہے ہیں کہ مستقبل میں اس ترقی کا کیا اثر ہو گا؟
ایک صارف نے اپنے خیالات کا اظہار کرتے ہوئے لکھا کہ حالانکہ شاؤلن کنگ فو کے اسٹیپس بہت مشکل ہیں، اس لیے ان روبوٹس کو اتنے شاندار انداز میں یہ ٹریننگ کرتے ہوئے دیکھنا واقعی حیرت انگیز ہے۔
.
ذریعہ
ذریعہ: Daily Mumtaz
کلیدی لفظ: کنگ فو
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا