بنگلہ دیش: ہجوم کے ہاتھوں مارے جانے والے دیپو داس کے اہلخانہ کے لیے مالی امداد و رہائشی سہولت کا اعلان
اشاعت کی تاریخ: 10th, February 2026 GMT
بنگلہ دیشی حکومت نے دسمبر 2025 میں ہجوم کے تشدد کا نشانہ بننے والے ہندو برادری کے نوجوان دیپو چندرا داس کے اہلِ خانہ کے لیے مالی امداد اور رہائشی سہولتوں کا اعلان کر دیا ہے۔
یہ بھی پڑھیں: ڈھاکہ: میمن سنگھ میں ہندو نوجوان کی تشدد سے ہلاکت، 10 افراد گرفتار
دیپو داس کو 18 دسمبر 2025 کو میان سنگھ کے بھلوکا اپازلا کے اسکوائر ماسٹر باری علاقے میں مبینہ توہین آمیز ریمارکس کے الزام میں مشتعل ہجوم نے تشدد کا نشانہ بنایا۔
رپورٹ کے مطابق انہیں پہلے بری طرح مارا پیٹا گیا اور پھر درخت سے لٹکایا گیا اور بعد ازاں آگ لگا کر قتل کر دیا گیا۔ اس واقعے کو فرقہ وارانہ تشدد کا سنگین واقعہ قرار دیا گیا۔
23 دسمبر 2025 کو چیف ایڈوائزر کی ہدایت پر ایجوکیشن ایڈوائزر سی آر ابرار نے دیپو داس کے گھر کا دورہ کیا جہاں انہوں نے لواحقین سے تعزیت کی اور حکومت کی جانب سے یکجہتی کا اظہار کیا۔
حکومتی بیان کے مطابق دیپو داس اپنے خاندان کے واحد کفیل تھے جس کے پیش نظر حکومت نے اہلخانہ کی بحالی اور تحفظ کے لیے جامع امدادی پیکج دینے کا فیصلہ کیا ہے۔
اقوام متحدہ کی نگرانی میں نیشنل ہاؤسنگ اتھارٹی کے ذریعے 25 لاکھ ٹکہ کی لاگت سے ایک مستقل مکان تعمیر کیا جائے گا جبکہ نقد مالی امداد بھی فراہم کی جائے گی۔
مزید پڑھیے: بنگلہ دیش: محنت کش کی ہلاکت پر حکومت کا اظہار افسوس، شفاف تحقیقات کی یقین دہانی
منصوبے کے تحت دیپو داس کے والد اور اہلیہ کو 10،10 لاکھ ٹکہ دیے جائیں گے جبکہ ان کے بچے کے مستقبل کے تحفظ کے لیے 5 لاکھ ٹکہ کی رقم فکسڈ ڈپازٹ میں رکھی جائے گی۔
منگل کے روز گفتگو کرتے ہوئے ایجوکیشن ایڈوائزر ڈاکٹر ابرار نے اس قتل کو بے حد گھناؤنا اور ناقابل جواز جرم قرار دیا۔ انہوں نے کہا کہ انسانی جان کی کوئی قیمت نہیں اور حکومت کی جانب سے دی جانے والی امداد اس نقصان کے مقابلے میں بہت معمولی ہے تاہم ریاست انصاف کی فراہمی یقینی بنائے گی۔
ڈاکٹر ابرار کا کہنا تھا کہ یہ فرقہ وارانہ جنون پورے ملک کے لیے شرمناک ہے اور صرف منصفانہ انصاف ہی قومی وقار بحال کر سکتا ہے۔
انہوں نے اس بات پر زور دیا کہ آزادیِ اظہار کا احترام ہر مذہب اور برادری کے لیے لازم ہے مگر کسی کو بھی قانون ہاتھ میں لینے کا حق حاصل نہیں۔
مزید پڑھیں: ہمارا مقصد بنگلہ دیش کو عزت دلانا تھا،اس معاملے میں ہمارا کوئی ذاتی مفاد نہیں : محسن نقوی
حکام کے مطابق اب تک اس واقعے میں ملوث 12 افراد کو گرفتار کیا جا چکا ہے جبکہ تحقیقات جاری ہیں۔ ایجوکیشن ایڈوائزر نے یقین دہانی کرائی کہ تمام ذمہ داران کو قانونی عمل کے ذریعے انصاف کے کٹہرے میں لایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش میں ہجوم کے ہاتھوں ہلاکت دیپو داس.
ذریعہ
ذریعہ: WE News
کلیدی لفظ: بنگلہ دیش دیپو داس بنگلہ دیش دیپو داس داس کے کے لیے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا