ازبکستان کیساتھ تمام شعبوں میں تعاون مزید بڑھایاجائیگا، صدر مملکت
اشاعت کی تاریخ: 10th, February 2026 GMT
اسلام آباد:(نیوزڈیسک) صدر مملکت آصف علی زرداری نے ازبکستان کے ساتھ خوراک و زراعت، معدنیات، انفارمیشن ٹیکنالوجی، سیاحت، صحت اور بینکاری سمیت اہم شعبوں میں تعاون کو مزید فروغ دینے کے پاکستان کے عزم کا اعادہ کرتے ہوئے ازبکستان کے صدر شوکت مرزیایوف کے حالیہ تاریخی اور نتیجہ خیز سرکاری دورہ پاکستان کے ثمرات پر موثر عملدرآمد کی ضرورت پر زور دیا ہے۔
ایوان صدر کے میڈیا ونگ کے مطابق صدر مملکت نے ان خیالات کا اظہار پاکستان میں ازبکستان کے سفیر علیشر تختایف سے ایوانِ صدر میں ملاقات کے دوران کیا جنہوں نے ازبک صدر شوکت مرزیایوف کی جانب سے ایک خط بھی انہیں پیش کیا۔ اپنے خط میں ازبک صدر نے دورہ پاکستان کے دوران غیر معمولی مہمان نوازی اور پرتپاک استقبال پر صدر آصف علی زرداری، حکومتِ پاکستان اور پاکستانی عوام کا شکریہ ادا کیا۔
انہوں نے پاکستان کے اعلیٰ ترین سول اعزاز نشانِ پاکستان اور اعزازی پروفیسرشپ و ڈاکٹریٹ عطا کئے جانے پر بھی اظہارِ تشکر کیا۔ صدر مملکت نے کہا کہ پاکستان ازبکستان کے ساتھ اپنے قریبی برادرانہ تعلقات کو انتہائی اہمیت دیتا ہے۔
انہوں نے ازبکستان کے صدر کے پاکستان کے حالیہ تاریخی اور نتیجہ خیز سرکاری دورہ کے ثمرات پر موثر عملدرآمد کی ضرورت پر زور دیتے ہوئے اہم شعبوں میں ازبکستان کے ساتھ تعاون کو مزید فروغ دینے کے پاکستان کے عزم کا اعادہ کیا۔
انہوں نے پاکستان سے حلال گوشت، پھلوں اور آلو کی درآمد میں ازبکستان کی دلچسپی کو دوطرفہ تجارت کے فروغ کی جانب ایک مثبت قدم قرار دیا۔ صدر شوکت مرزیایوف نے اپنی دعوت کا اعادہ کیا جو انہوں نے دونوں صدور کی ملاقات کے دوران دی تھی۔
صدرِ مملکت آصف علی زرداری نے دعوت کو قبول کرتے ہوئے پاکستانی حکام کو ہدایت کی کہ وہ ازبک ہم منصبوں کے ساتھ رابطہ قائم کرکے رواں سال کے آخر میں دورے کیلئے تاریخ کو حتمی شکل دیں۔
صدرِ مملکت نے اسلام آباد میں حالیہ دہشت گردانہ حملے کے بعد یکجہتی اور حمایت کے پیغام پر ازبک صدر کا شکریہ بھی ادا کیا اور امن، استحکام اور ترقی کے مشترکہ سفر کو جاری رکھنے کےلئے پاکستان اور ازبکستان کے عزم کا اعادہ کیا۔ ازبکستان کے سفیر نے صدرِ مملکت کو آگاہ کیا کہ ازبکستان اسلام آباد کے سیکٹر ایف سیون میں بابر پارک کی تعمیر و ترقی کا خواہاں ہے اور اس سلسلہ میں ایک متعلقہ ازبک وزیر آئندہ ہفتے اسلام آباد کا دورہ کریں گے تاکہ پاکستانی حکام سے منصوبے پر بات چیت کی جاسکے۔
.
ذریعہ
ذریعہ: Daily Mumtaz
کلیدی لفظ: ازبکستان کے اسلام ا باد پاکستان کے صدر مملکت کا اعادہ انہوں نے کے ساتھ
پڑھیں:
بحرین میں محرم الحرام کی آمد کیساتھ ہی شیعیان علیؑ کیخلاف کریک ڈاون میں تیزی
گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔ اسلام ٹائمز۔ شیعہ نشین عرب ملک بحرین پر قابض ال خلیفہ حکام اپنے جرائم کا سلسلہ جاری رکھے ہوئے ہیں اور متعدد شہریوں کی گرفتاریوں کا ایک سلسلہ شروع کیا ہے۔ محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں کی طرف سے شروع کیے گئے کریک ڈاؤن کے تحت، انہیں تفتیش کے لیے طلب کرنے کے بعد متعدد شہریوں کو گرفتار کیا جا چکا ہے۔ گرفتار کیے گئے افراد کے نام حسب ذیل ہیں: - ناصر الکشری (اهل بیت علیہم السلام کے ذاکر) - حاج عبدالجبّار میرزا - حاج حسین درویش - إیهاب الحمدی - احمد حسن - السید عبدالله ماجد - حسین الخیاط - محمود مسلم - حاج مهدی صالح - دو بھائی علی و حسن الغانم - رضا ابراهیم محمد حمادة - السید حسین جعفر - محمد سرحان
غاصب بحرینی حکام یہیں نہیں رکے بلکہ انہوں نے دو بچوں مصطفی یوسف اور زین محمد ابراهیم کو بھی گرفتار کر لیا ہے۔ شیعہ آبادی والے دیہاتوں میں سیکیورٹی الرٹ کی حالت ہے، جہاں حکام نے زیادہ تر دیہاتوں کے اطراف اپنی افواج تعینات کر رکھی ہیں، تاکہ وہ متعدد شہریوں کو طلب کر کے گرفتار کریں۔ یہ گرفتاریاں بحرین کی وزارت داخلہ کی طرف سے چلائی جانے والی ایک بڑھتی ہوئی مہم کے تناظر میں کی جا رہی ہیں، جو خطے میں جاری واقعات، بشمول شیعوں کو براہ راست نشانہ بنانے، کے بعد سامنے آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے