چیٹ جی پی ٹی نے فری اور گو سبسکرپشن صارفین کے لیے اشتہارات متعارف کرادیے
اشاعت کی تاریخ: 10th, February 2026 GMT
اوپن اے آئی نے حال ہی میں امریکہ میں اپنے فری اور گو سبسکرپشن یوزرز کے لیے چیٹ جی پی ٹی میں اشتہارات کے تجربات شروع کردیے ہیں۔
گو پلان، جو عالمی سطح پر جنوری کے وسط میں ریلیز ہوا تھا، ماہانہ 8 ڈالر میں دستیاب ہے، جبکہ اعلیٰ سطح کے پریمیم سبسکرپشن یوزرز اشتہارات سے پاک ماڈل استعمال کرسکیں گے۔
یہ بھی پڑھیں: چیٹ جی پی ٹی کو اشتہارات کیوں نہیں دکھانے چاہییں، اینتھروپک نے دلائل سے واضح کردیا
یوزرز کی تشویش کے بارے میں کہ آیا اشتہارات ان کے سوالات، جوابات پر اثر ڈالیں گے یا نہیں، اوپن اے آئی نے بلاگ پوسٹ میں وضاحت کی کہ ’اشتہارات چیٹ جی پی ٹی کے جوابات پر اثر انداز نہیں ہوتے اور آپ کی گفتگو کو اشتہاری کمپنیوں سے محفوظ رکھا جاتا ہے۔‘
اوپن اے آئی کا کہنا ہے کہ اشتہارات کا مقصد صارفین کو وسیع رسائی کے ساتھ زیادہ طاقتور چیٹ جی پی ٹی فیچرز فراہم کرنا ہے، تاکہ یوزرز کا اعتماد قائم رہے۔‘
حال ہی میں، اوپن اے آئی کے بڑے حریف اینتھروپک نے سپر باؤل کے اشتہارات کے ذریعے چیٹ بوٹ میں اشتہارات کے آئیڈیا کا مذاق اڑایا، جس پر اوپن اے آئی کے سی ای او سیم آلٹ مین نے شدید ردعمل دیا اور اینتھروپک کو ’آمرانہ کمپنی‘ قرار دیا۔
یہ بھی پڑھیں: پہلی ملاقات، چیٹ جی پی ٹی نے کیسے خاتون کے سامنے مرد دوست کا کچا چٹھا کھول دیا؟
گزشتہ سال، چیٹ جی پی ٹی میں اشتہارات کے خیال پر شدید تنقید کی گئی تھی، جب ایپ میں کچھ تجاویز ایسی نظر آئیں جو غیر مطلوب اشتہارات کی طرح لگ رہی تھیں۔
تنقید کنندگان کا خیال تھا کہ اشتہارات چیٹ جی پی ٹی کی کارکردگی پر اثر ڈال سکتے ہیں، جسے اوپن اے آئی نے رد کیا اور کہا کہ اشتہارات صارفین کے لیے سب سے زیادہ مددگار انداز میں دکھائے جائیں گے۔
اوپن اے آئی کے مطابق، اشتہارات عام گفتگو کے موضوعات، پچھلی تعاملات اور انگیجمنٹ پیٹرنز کی بنیاد پر ذاتی نوعیت کے ہوسکتے ہیں، تاہم اشتہاری کمپنیوں کو صرف مجموعی ڈیٹا جیسے ویوز اور کلکس تک رسائی حاصل ہوگی۔
یہ بھی پڑھیں: 555 لاکھ ڈالر تنخواہ، اوپن اے آئی نے اہم منصب کے لیے مضبوط امیدوار کی تلاش شروع کردی
صارفین اپنی ترجیحات کے مطابق اشتہارات کو آسانی سے ذاتی نوعیت دے سکیں گے، سیٹنگز منظم کرسکیں گے، فیڈبیک دے سکیں گے، یہ دیکھ سکیں گے کہ انہیں کیوں اشتہار دکھایا گیا، اور تعاملات کی تاریخ صاف کر سکیں گے۔
تاہم کمپنی نے واضح کیا کہ یہ اشتہارات صرف 18 سال سے زائد عمر کے صارفین کے لیے دکھائے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آرٹیفیشل انٹیلیجنس اوپن اے آئی ایڈز اے آئی چیٹ بوٹ ٹیک نیوز چیٹ جی پی ٹی فری پلان گو پلان.
ذریعہ
ذریعہ: WE News
کلیدی لفظ: ا رٹیفیشل انٹیلیجنس اوپن اے ا ئی ایڈز اے ا ئی چیٹ بوٹ ٹیک نیوز چیٹ جی پی ٹی فری پلان گو پلان اشتہارات کے چیٹ جی پی ٹی اوپن اے آئی سکیں گے اے ا ئی کے لیے
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا