اوورسیزپاکستانی:ڈیجیٹل پراپرٹی رجسٹریشن کی منظوری
اشاعت کی تاریخ: 10th, February 2026 GMT
کراچی : سندھ حکومت کی جانب سے اوورسیز پاکستانیوں کےلیے ڈیجیٹل پراپرٹی رجسٹریشن کی منظوری دیدی گئی۔
سندھ کابینہ نے اپنے ایک اجلاس میں اوورسیز پاکستانیوں کےلیے ڈیجیٹل پراپرٹی رجسٹریشن کی منظوری دی۔
اس کے علاوہ سمندر پار پاکستانیوں کی پراپرٹی رجسٹریشن آسان بنانے کےلیے ایکٹ 1908ءمیں ترمیم بھی منظور کرلی گئی۔
اس حوالے سے وزیراعلیٰ سندھ مراد علی شاہ کا کہنا ہے کہ سیل ڈیڈ کی ایگزیکیوشن اب آن لائن ہو سکے گی۔
سندھ کے 49 سب رجسٹرار دفاتر نادرا سے منسلک ہیں اوورسیز پاکستانی اب سفارتخانوں یا مشن جا کر ڈیڈز کی ایگزیکیوشن کرسکیں گے۔
ڈیڈز ایگزیکیوشن کےلیے بائیومیٹرک ویری فکیشن کی گنجائش کےلیے رجسٹریشن ایکٹ میں ترمیم منظور کرلی گئی۔
نادرا کے ساتھ مربوط ای رجسٹریشن سسٹم کے ذریعے بائیومیٹرک تصدیق ہو گی، سب رجسٹرار آفس یا پیپلز سروس سینٹر سے بائیومیٹرک تصدیق کرانے کی اجازت ہو گی۔
بتایا گیا ہے کہ اجلاس میں سندھ کابینہ نے 342 ارب روپے کے بقایاجات کی وصولی کےلیے تصفیے کی تجویز پر بھی غورکیا، مقدمات میں پھنسے 635 پٹیشنرزکےلیے تصفیے کا فارمولا تیار کیا گیا ہے۔
15 فیصد واجبات 3 اقساط میں ادا ئیگی کی تجویز ہے، تجویز کے تحت بقیہ رقم 12 سالانہ برابر اقساط میں ادا کی جائے گی۔
ادائیگیوں کا آغاز جولائی سے ہوگا، ٹیکس قوانین پر عمل کرنے والے اداروں کےلیے سیس کی شرح کم کرکے 0.
8 فیصد کرنے کی تجویز ہے۔
ایکسپورٹ سہولت اسکیم کے تحت دوبارہ برآمدہونے والے سامان پر سیس کی مکمل چھوٹ دینے کا فیصلہ کیا گیا ہے، سندھ کابینہ نے تجویز منظور کرکے صوبائی اسمبلی کو بھیج دی۔
ذریعہ
ذریعہ: Al Qamar Online
کلیدی لفظ: پاکستان کھیل پراپرٹی رجسٹریشن
پڑھیں:
اراکین پارلیمنٹ کیلئے اضافی فیملی سوٹس کی تعمیر کی تجویز، بجٹ میں ڈیڑھ ارب روپے مختص ہونے کا امکان
وقاص عظیم: وفاقی بجٹ 2026-27 میں اراکین پارلیمنٹ کے اہل خانہ کیلئے اضافی رہائشی سہولیات کی فراہمی کی تجویز سامنے آگئی ہے، جس کے تحت نئے فیملی سوٹس اور سرونٹ کوارٹرز تعمیر کیے جائیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ذرائع کے مطابق پارلیمنٹ لاجز میں اراکین پارلیمنٹ کے اضافی فیملی سوٹس کی تعمیر کیلئے آئندہ مالی سال کے بجٹ میں ڈیڑھ ارب روپے مختص کرنے کی تجویز دی گئی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منصوبے کے تحت 500 سرونٹ کوارٹرز بھی تعمیر کیے جائیں گے تاکہ اراکین پارلیمنٹ اور ان کے اہل خانہ کو بہتر رہائشی سہولیات فراہم کی جا سکیں۔
ذرائع کا کہنا ہے کہ منصوبے کی مجموعی لاگت 7 ارب 40 کروڑ روپے مقرر کی گئی ہے، جبکہ جون 2026 تک اس منصوبے پر 2 ارب 29 کروڑ روپے خرچ ہونے کا تخمینہ لگایا گیا ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
بجٹ تجاویز کو حتمی منظوری کے بعد آئندہ مالی سال کے ترقیاتی پروگرام میں شامل کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے