کوئٹہ: خواتین فٹبالرز کے خواب، سماجی رکاوٹوں کے باوجود آگے بڑھنے کا عزم
اشاعت کی تاریخ: 11th, February 2026 GMT
کوئٹہ میں نوجوان خواتین فٹبالرز کے لیے ایک تاریخی اور حوصلہ افزا موقع سامنے آیا ہے جہاں برطانیہ سے تعلق رکھنے والے بین الاقوامی کوچز کی زیر نگرانی خصوصی فٹبال ٹریننگ سیشنز کا انعقاد کیا گیا۔
یہ بھی پڑھیں: مارشل آرٹ میں پاکستان کا نام روشن کرنے والی کوئٹہ کی باہمت خواتین
یہ تربیتی کیمپ قیوم پاپا اسٹیڈیم میں منعقد کیا گیا جس میں کوئٹہ سمیت بلوچستان کے مختلف اضلاع سے تعلق رکھنے والی نوجوان خواتین اور مرد کھلاڑیوں نے شرکت کی۔
اکیڈمی میں شریک ایک نوجوان فٹبالر نے وی نیوز سے گفتگو کرتے ہوئے بتایا کہ وہ گزشتہ 6 ماہ سے فٹبال کھیل رہی ہیں۔ انہوں نے کہا کہ میں بچپن میں فٹبال کی شوقین نہیں تھی لیکن جب میں نے اس اکیڈمی کو جوائن کیا اور اپنی ٹیم کی فاؤنڈر اور سینیئر کھلاڑیوں کی جدوجہد کی کہانیاں سنیں تو مجھے احساس ہوا کہ اگر وہ اتنی مشکلات کے باوجود یہاں تک پہنچ سکتی ہیں تو میں بھی کچھ کر سکتی ہوں۔
انہوں نے کہا کہ بلوچستان جیسے قبائلی معاشرے میں لڑکیوں کے لیے کھیلوں کے میدان میں آنا آسان نہیں۔ انہوں نے مزید کہا کہ اکثر لوگ کہتے ہیں کہ فٹبال لڑکیوں کا کھیل نہیں، لڑکیوں کو گھر کے کاموں تک محدود رہنا چاہیے، یہاں تک کہ لباس پر بھی تنقید کی جاتی ہے۔ تاہم انہوں نے خوشی کا اظہار کیا کہ ان کے گھر والوں نے مکمل تعاون کیا جو ان کے لیے سب سے بڑی طاقت ہے۔
نوجوان فٹبالر کے مطابق برطانیہ سے آئے کوچز کا رویہ نہایت مثبت اور حوصلہ افزا ہے۔
مزید پڑھیے: پست قامت لیکن حوصلے بڑے، کوئٹہ کی باہمت بلانستہ کی موٹیویشنل کہانی
انہوں نے بتایا کہ کوچز اوپن مائنڈڈ ہیں، اگر ہم سے کوئی غلطی ہو جائے تو وہ ڈانٹنے کی بجائے ہمیں گائیڈ کرتے ہیں کہ غلطی کو کیسے بہتر بنایا جائے۔
انہوں نے اپنے مستقبل کے عزائم کا اظہار کرتے ہوئے کہا کہ ان کا خواب ہے کہ وہ پاکستان کی قومی فٹبال ٹیم کا حصہ بنیں۔
مزید پڑھیں: کوئٹہ کی باہمت خاتون کی کہانی
خاتون کھلاڑی نے کہا کہ اگر مجھے موقع ملا تو میں ملک کے لیے کھیلنا چاہوں گی اور اگر باہر جانے کا موقع ملا تو وہ بھی میرے لیے اعزاز ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان قیوم پاپا اسٹیڈیم کوئٹہ کوئٹہ کوئٹہ کی خواتین فٹبالرز.
ذریعہ
ذریعہ: WE News
کلیدی لفظ: بلوچستان کوئٹہ کوئٹہ کی انہوں نے کے لیے کہا کہ
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے