روزانہ تین کپ چائے پیجیے، آپ کی یادداشت بہتر ہوگی، تحقیق
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
دماغی بیماری ڈیمنشیا کے حوالے سے ایک نئی تحقیق میں اہم انکشاف ہوا ہے کہ روزانہ معتدل مقدار میں چائے یا کافی پینے سے اس مرض کا خطرہ نمایاں حد تک کم ہو سکتا ہے۔
ماہرین کے مطابق باقاعدگی سے 2 سے 3 کپ کیفین والے گرم مشروبات استعمال کرنے والے افراد میں ڈیمنشیا میں مبتلا ہونے کا امکان تقریباً 15 سے 20 فیصد تک کم دیکھا گیا ہے۔
یہ تحقیق امریکا میں ایک لاکھ 31 ہزار افراد کے صحت کے ریکارڈز کے تفصیلی تجزیے پر مبنی ہے۔ محققین نے شرکا سے ان کی روزمرہ عادات کے بارے میں سوالات کیے، خصوصاً یہ کہ وہ دن بھر میں کتنی مقدار میں چائے یا کافی پیتے ہیں۔ اس کے بعد تقریباً 4 دہائیوں پر محیط عرصے میں ان کی یادداشت، ذہنی کارکردگی اور مجموعی صحت کا جائزہ لیا گیا۔
نتائج سے معلوم ہوا کہ جو افراد روزانہ 2 سے 3 کپ کیفین والی چائے یا کافی استعمال کرتے تھے، ان میں ڈیمنشیا کا خطرہ ان لوگوں کے مقابلے میں کم تھا جو یہ مشروبات نہیں پیتے تھے، تاہم تحقیق میں یہ بھی واضح کیا گیا کہ تین کپ سے زیادہ مقدار استعمال کرنے سے اضافی فائدہ سامنے نہیں آیا۔
مزید یہ کہ کیفین والی کافی پینے والوں میں دماغی صلاحیتوں میں کمی کی رفتار نسبتاً سست دیکھی گئی اور انہوں نے مختلف ذہنی ٹیسٹوں میں بہتر کارکردگی دکھائی جب کہ ڈی کیف کافی استعمال کرنے والوں میں یہ فائدہ نمایاں نہیں تھا۔
ماہرین کا کہنا ہے کہ اگرچہ یہ نتائج حوصلہ افزا ہیں، مگر متوازن غذا، ورزش اور صحت مند طرزِ زندگی بھی دماغی بیماریوں سے بچاؤ میں اہم کردار ادا کرتے ہیں۔ اس تحقیق نے ایک بار پھر روزمرہ عادات اور دماغی صحت کے درمیان تعلق کو عالمی بحث کا موضوع بنا دیا ہے۔
.
ذریعہ
ذریعہ: Jasarat News
پڑھیں:
وفاقی بجٹ5جون کو پیش نہیں کیا جائے گا
اسلام آباد(ڈیلی پاکستان آن لائن)وفاقی بجٹ5جون کو پیش نہیں کیا جائے گا۔
نجی ٹی وی چینل جیو نیوز کے مطابق ذرائع کاکہنا ہے کہ وفاقی بجٹ پیش کرنے کی نئی تاریخ کا تعین نہیں ہوسکا، وفاقی بجٹ 8یا 12جون کو پیش کئے جانے کا امکان ہے۔
قومی اقتصادی کونسل کا 3جون کو ہونے والا اجلاس ملتوی کردیا گیا، جس کا نوٹیفکیشن بھی جاری کردیاگیا۔
یادرہے کہ اس سے قبل خیال کیا جارہا تھا کہ وفاقی بجٹ5جون کو پیش کیا جائے گا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ