بلوچستان میں امن و امان اور استحکام پورے پاکستان کی ترجیح ہے: مریم نواز
اشاعت کی تاریخ: 11th, February 2026 GMT
کوئٹہ(ڈیلی پاکستان آن لائن)وزیراعلیٰ پنجاب مریم نواز شریف نے کہا ہے کہ بلوچستان میں امن و امان اور استحکام پورے پاکستان کی ترجیح ہے، اگر ہم مضبوط ہیں تو بدترین دشمن ہمارا کچھ نہیں بگاڑ سکتا، انہوں نے ایف سی کیلئے 10 ارب روپے کی معاونت کا بھی اعلان کیا۔
نجی ٹی وی چینل دنیا نیوز کے مطابق فرنٹیئر کانسٹیبلری ہیڈکوارٹرز بلوچستان میں تقریب سے خطاب کرتے ہوئے وزیراعلیٰ پنجاب مریم نواز شریف کا کہنا تھا کہ ایف سی ہیڈکواٹرز میں آنا میرے لئے اعزاز ہے، مشکلات کے باوجود فرنٹ لائن پر لڑنے والوں کو سلام پیش کرتی ہوں، بلوچستان تنہا نہیں ہم سب اس کے شانہ بشانہ ہیں۔
وزیراعظم شہباز شریف کے اہم غیر ملکی دوروں کا شیڈول تیار,امریکی صدر سے ملاقات کا امکان
انہوں نے کہا کہ بلوچستان میں امن و امان اور استحکام پورے پاکستان کی ترجیح ہے، ایف سی کے جوان ملک کیلئے قربانیاں پیش کر رہے ہیں، ملک کے لئے قربانیاں دینے والے شہداء ہمارا سرمایہ ہیں، سخت ترین موسمی حالات اور دشوار گزار راستوں پر سکیورٹی کے فرائض انجام دینا بڑی بات ہے، سکیورٹی اہلکار جذبہ حب الوطنی کے تحت ملک کے لئے فرائض انجام دے رہے ہیں۔
ان کا کہنا تھا کہ ملک کے لئے قربانی دینے والے شہداء کی ماؤں کو سلام پیش کرتی ہوں، ہمیں اپنے شہداء پر فخر ہے، سکیورٹی فورسز میں خواتین کا آنا خوش آئند ہے، پاکستان کی بیٹیاں خدمت اور فرائض کی انجام دہی میں کسی سے کم نہیں۔
افغانستان میں مردانہ لباس پہن کر کام کرنے والی نوجوان لڑکی کو گرفتار کر لیا گیا
مریم نواز نے کہا کہ اگر ہم مضبوط ہیں تو بدترین دشمن بھی ہمارا کچھ نہیں بگاڑ سکتا، جب تک ہم ایک قوم کی طرح ہیں، دشمن ہمیں کوئی نقصان نہیں پہنچا سکتا، دشمن ہمارے ملک کو کمزور کرنے کی سازش کر رہا ہے، ہم نے دشمن کی تمام سازشوں کو ناکام بنانا ہے۔
وزیراعلیٰ کا کہنا تھا کہ پاکستان کو کمزور کرنے والا ملک و قوم کا سب سے بڑا دشمن ہے، ہم ففتھ جنریشن وار کا سامنا کر رہے ہیں، ہم نے مضبوطی کے ساتھ ففتھ جنریشن وار کا مقابلہ کرنا ہے، مضبوط مؤقف اور ٹھوس انداز سے منفی بیانیہ کو رد کرنا ہے، ہمیں تقسیم کرنے والے کبھی کامیاب نہیں ہوں گے۔
فہیم اشرف کو اسلام آباد یونائیٹڈ نے خرید لیا
انہوں نے کہا کہ فیلڈ مارشل سید عاصم منیر کی قیادت میں تمام فورسز دشمنوں کا قلع قمع کر رہی ہیں، پاکستان نے بھارت جیسے بڑے دشمن کو دھول چٹائی، دشمن اپنے بیانیے کے ذریعے ہماری صفوں میں دراڑیں ڈالنا چاہتے ہیں۔
ان کا کہنا تھا کہ بلوچستان آبادی کے لحاظ سے بڑا صوبہ ہے، بلوچستان میں سکیورٹی کے لئے ایف سی کی استعداد کار کو بڑھانا ضروری ہے، پنجاب میں جرائم کے خاتمے کیلئے تمام فورسز کی استعداد کار میں اضافہ کیا جس سے جرائم کی شرح میں نمایاں کمی ہوئی ہے، پنجاب میں سی سی ٹی وی کے ذریعے ہر گلی محلے اور شاہراہوں کی نگرانی کی جا رہی ہے، پنجاب میں دھنگا فساد، جلاؤ گھیراؤ اور پولیس پر حملوں کا خاتمہ کیا۔
ڈاکٹر عافیہ صدیقی کیس: آئینی عدالت نے ہائیکورٹ کو وزیرِاعظم اور وفاقی وزرا کیخلاف کارروائی سے روک دیا
مریم نواز نے کہا کہ ہماری عبادت گاہوں کو نشانہ بنانے والے کسی رعایت کے مستحق نہیں، اسلام آباد میں عبادت گاہ پر حملہ کرنے والے ملک دشمن ہمیں تقسیم کرنا چاہتے ہیں، عبادت گاہ پر حملے کے بعد دہشت گردوں کے خلاف سخت اقدام کا فیصلہ کیا، دہشت گردوں کا خاتمہ مضبوط اور ابہام سے پاک اقدامات کریں گے۔
وزیراعلیٰ پنجاب کا مزید کہنا تھا کہ ماضی میں دہشت گردوں کو لا کر بسایا گیا، پنجاب میں شر پسند عناصر نے پولیس اور رینجرز کے اہلکاروں کو بدترین تشدد کا نشانہ بنایا، مخصوص ٹولوں نے نوجوانوں کے ہاتھوں سے کتاب لے کر پٹرول بم تھما دیئے، اپنے ملک اور ریاست کے خلاف ہتھیار اٹھانے والا ہمارا دشمن ہے۔
گوادر: ساڑھے 18 ارب روپے سے زائد کی چرس پکڑی گئی، 2 سمگلرز گرفتار
مزید :.
ذریعہ
ذریعہ: Daily Pakistan
کلیدی لفظ: کا کہنا تھا کہ بلوچستان میں پاکستان کی مریم نواز نے کہا کہ ایف سی کے لئے
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے