ٹی 20 ورلڈکپ میں آسٹریلوی ٹیم کو جھٹکا، کپتان مچل مارش انجری کے باعث پہلے میچ سے باہر
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
آسٹریلیا: آئی سی سی ٹی 20 ورلڈکپ میں آسٹریلوی ٹیم کو بڑا دھچکا لگا گیا، کپتان مچل مارش انجری کے باعث ٹورنامنٹ کے پہلے میچ سے باہر ہو گئے۔
میڈیا رپورٹس کے مطابق آسٹریلیا ٹی ٹونٹی ٹیم کے کپتان مچل مارش کو گروئن انجری لاحق ہوئی ہے، جس کے باعث طبی ماہرین نے انہیں فوری آرام کا مشورہ دیا ہے تاکہ چوٹ سنگین صورت اختیار نہ کر لے۔
آسٹریلوی میڈیا رپورٹس کے مطابق ٹیم مینجمنٹ نے ہنگامی صورتحال کے پیشِ نظر تجربہ کار بلے باز اسٹیو اسمتھ کو بطور بیک اپ سری لنکا طلب کر لیا ہے، تاہم کرکٹ آسٹریلیا نے واضح کیا ہے کہ اسٹیو اسمتھ ورلڈکپ کے باضابطہ اسکواڈ کا حصہ نہیں ہیں اور انہیں صرف ضرورت پڑنے کی صورت میں ٹیم میں شامل کیا جا سکتا ہے۔
مچل مارش کی عدم موجودگی میں آج ہونے والے اہم میچ میں ٹریوس ہیڈ آسٹریلوی ٹیم کی قیادت کریں گے جبکہ ٹیم مینجمنٹ کی جانب سے کھلاڑیوں کی فٹنس پر خصوصی توجہ دی جا رہی ہے۔
یاد رہے کہ آسٹریلیا کو پہلے ہی ایک اور بڑا دھچکا لگ چکا ہے، جب اسٹار فاسٹ بولر اور سابق کپتان پیٹ کمنز انجری کے باعث میگا ایونٹ سے باہر ہو گئے تھے، جس سے ٹیم کے بولنگ اٹیک کی طاقت متاثر ہوئی ہے۔
واضح رہے کہ آج ٹی ٹوئنٹی ورلڈکپ کے میچ میں آسٹریلیا اور آئرلینڈ آمنے سامنے ہوں گے اور شائقین کی نظریں اس بات پر مرکوز ہیں کہ اہم کھلاڑیوں کی عدم موجودگی میں کینگروز ٹیم کس حکمت عملی کے ساتھ میدان میں اترتی ہے۔
ذریعہ
ذریعہ: Jasarat News
پڑھیں:
اسلام آباد ہائیکورٹ: ایمان مزاری اور ہادی علی چٹھہ کی سزا معطلی درخواستوں پر فیصلہ محفوظ
اسلام آباد:اسلام آباد ہائیکورٹ نے متنازع ٹویٹس کیس میں ایمان مزاری اور ہادی علی چٹھہ کی سزا معطلی کی درخواستوں کے قابلِ سماعت ہونے سے متعلق فیصلہ محفوظ کر لیا۔
جسٹس اعظم خان نے کیس کی سماعت کی، عدالت میں نیشنل سائبر کرائم انویسٹی گیشن ایجنسی (این سی سی آئی اے) کے وکیل نے سزا معطلی کی درخواستوں پر اعتراض اٹھاتے ہوئے مؤقف اختیار کیا کہ یہ درخواستیں قبل از وقت دائر کی گئی ہیں، اس لیے انہیں قابلِ سماعت قرار نہ دیا جائے۔
این سی سی آئی اے کے وکیل نے عدالت سے استدعا کی کہ پہلے ان کی متفرق درخواست کو سنا جائے، اگر دوسری متفرق درخواست پہلے سنی گئی تو ہماری درخواست غیرموثر ہو جائے گی۔
دورانِ سماعت ایمان مزاری کے وکیل فیصل صدیقی نے عدالت کو بتایا کہ وہ اس متفرق درخواست پر دلائل دینے کے لیے تیار ہیں اور اگر عدالت مناسب سمجھے تو دونوں درخواستوں کو ایک ساتھ سنا جا سکتا ہے۔
جسٹس اعظم خان نے ریمارکس دیے کہ وکیل پہلے مکمل تیاری کر لیں، یہ ان کے مؤکل کے حقوق کے لیے بہتر ہوگا، جس پر فیصل صدیقی نے مؤقف اختیار کیا کہ وہ اپنے حقوق چھوڑتے ہوئے دلائل دینے کے لیے تیار ہیں۔
فریقین کے دلائل مکمل ہونے کے بعد عدالت نے فیصلہ محفوظ کر لیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم