وزیر خارجہ اسحاق ڈار کا 19 سفیروں اور قونصل جنرلز کی تقرری کا اعلان
اشاعت کی تاریخ: 11th, February 2026 GMT
وزیر خارجہ اور نائب وزیراعظم اسحاق ڈار نے وزیر اعظم محمد شہباز شریف کی منظوری سے پاکستان کی بیرون ملک نمائندگی کے لیے 19 نئے سفیروں اور قونصل جنرلز کی تقرری کا اعلان کر دیا۔
سماجی رابطے کی ویب سائٹ ایکس پر جاری بیان میں وزیر خارجہ نے کہا کہ گزشتہ 2 برسوں کے دوران مضبوط خارجہ پالیسی روابط اور عالمی سطح پر مؤثر سفارتی رسائی کی رفتار کو برقرار رکھتے ہوئے پاکستان کے سفارتی نمائندے واضح مقصد اور دانشمندی کے ساتھ اپنی ذمہ داریاں ادا کریں گے۔
انہوں نے اس امر پر زور دیا کہ آئندہ سفارتی حکمت عملی میں اقتصادی سفارت کاری کو مرکزی حیثیت حاصل ہوگی۔
مقرر کیے گئے سفرا اور ہائی کمشنرز
بینکاک: سعدیہ الطاف قاضی
برلن: سلمان شریف
دارالسلام: حسنین یوسف
دوشنبے: عرفان احمد
جنیوا: طاہر حسین اندرابی
کمپالا: اشعر شہزاد
کھٹمنڈو: محمد عامر خان
لندن: چوہدری ٹیپو عثمان
نیروبی: ڈاکٹر بلال احمد
اوسلو: عاصم علی خان
اسٹاک ہوم: احمد امجد علی
تاشقند: محمد مدثر ٹیپو
تہران: عمران احمد صدیقی
قونصل جنرلز
فرینکفرٹ: علی انصر زیدی
گوانگژو : یاسر اقبال بٹ
قندھار: شہباز حسین
لاس اینجلس: سراج احمد خان
مزارِ شریف: اویس احمد خان
مونٹریال: فیصل ابڑو
وزیر خارجہ اسحاق ڈار نے وزارت خارجہ اور بیرون ملک خدمات انجام دینے والے پاکستانی سفارتکاروں کی پیشہ ورانہ صلاحیتوں اور خدمات کو سراہتے ہوئے کہا کہ ان کی خاموش اور مؤثر کاوشیں عالمی سطح پر پاکستان کی نمائندگی میں کلیدی کردار ادا کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈپٹی وزیراعظم و وزیر خارجہ سینیٹر محمد اسحاق ڈار نئے سفرا اور قونصل جنرلز کا اعلان.
ذریعہ
ذریعہ: WE News
کلیدی لفظ: ڈپٹی وزیراعظم و وزیر خارجہ سینیٹر محمد اسحاق ڈار نئے سفرا اور قونصل جنرلز کا اعلان اسحاق ڈار
پڑھیں:
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا WhatsAppFacebookX 0 23 July, 2026 سب نیوز
جد ہ (خالد نواز چیمہ )قونصل خانہ جنرل پاکستان، جدہ میں ڈپٹی قونصل جنرل کے عہدے پر اہم انتظامی تبدیلی عمل میں آ گئی ہے۔ وزارتِ خارجہ پاکستان کی جانب سے محترمہ فرینہ ارشد کو ڈپٹی قونصل جنرل، جدہ تعینات کیا گیا ہے، جنہوں نے اپنی ذمہ داریاں باقاعدہ طور پر سنبھال لی ہیں۔
محترمہ فرینہ ارشد ایک سینئر اور تجربہ کار کیریئر سفارت کار ہیں، جنہیں سفارتی خدمات کا پندرہ سال سے زائد کا وسیع تجربہ حاصل ہے۔ اپنے پیشہ ورانہ کیریئر کے دوران وہ مختلف اہم سفارتی اور انتظامی ذمہ داریوں پر خدمات انجام دے چکی ہیں اور اپنی صلاحیتوں کے باعث وزارتِ خارجہ کے ممتاز افسران میں شمار ہوتی ہیں۔
قونصل خانہ جنرل پاکستان، جدہ کی جانب سے محترمہ فرینہ ارشد کا خیرمقدم کرتے ہوئے ان کے لیے نیک تمناں کا اظہار کیا گیا ہے۔ قونصل خانے نے امید ظاہر کی ہے کہ وہ اپنی پیشہ ورانہ مہارت، تجربے اور قائدانہ صلاحیتوں کو بروئے کار لاتے ہوئے پاکستانی کمیونٹی کو فراہم کی جانے والی قونصلر خدمات کو مزید مثر، تیز رفتار اور عوام دوست بنانے کے ساتھ ساتھ پاکستان اور سعودی عرب کے درمیان دوطرفہ تعلقات کے فروغ میں بھی اہم کردار ادا کریں گی۔
دوسری جانب، سابق ڈپٹی قونصل جنرل محترمہ سعدیہ وقار النسا کو فوری طور پر پاکستان واپس رپورٹ کرنے کی ہدایت جاری کر دی گئی ہے۔ انہوں نے اپنے دورِ تعیناتی کے دوران پاکستانی کمیونٹی کی خدمت، قونصلر امور اور عوامی مسائل کے حل کے لیے قابلِ قدر خدمات انجام دیں، جنہیں کمیونٹی کی جانب سے سراہا گیا۔
واضح رہے کہ قونصل خانہ جنرل پاکستان، جدہ میں ڈپٹی قونصل جنرل کا منصب انتہائی اہمیت کا حامل ہے۔ اس عہدے پر تعینات افسر سعودی عرب کے مغربی ریجن میں مقیم لاکھوں پاکستانیوں کو قونصلر خدمات کی فراہمی، کمیونٹی ویلفیئر، عوامی رابطوں اور پاکستان و سعودی عرب کے برادرانہ تعلقات کے استحکام میں کلیدی کردار ادا کرتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ اگلی خبرامریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار