ٹرمپ کو بُرا کیوں کہا؟ باپ نے بیٹی کو گولی مار کر قتل کردیا
اشاعت کی تاریخ: 11th, February 2026 GMT
امریکا میں برطانوی نژاد 23 سالہ لوسی ہیریسن معمولی بحث پر اپنے ہی والد کی فائرنگ سے جان گنوا بیٹھیں۔
امریکی خبر رساں ادارے کے مطابق یہ واقعہ ریاست ٹیکساس کے شہر پراسپر میں 10 جنوری کو پیش آیا تھا جس کی تفتیش کے دوران افسوسناک انکشاف ہوا ہے۔
سماعت کے دوران عدالت کو بتایا گیا کہ واقعے کے روز لوسی اور ان کے والد کے درمیان امریکی صدر ڈونلڈ ٹرمپ کے حوالے سے تلخ بحث ہوئی تھی۔
عدالتی کارروائی میں پیش کیے گئے شواہد کے مطابق مقتولہ لوسی اپنے بوائے فرینڈ سیم لِٹلر کے ہمراہ چھٹیاں گزارنے لندن سے امریکا آئی تھیں۔
مقتولہ کے بوائے فرینڈ نے عدالت میں بیان دیا کہ صبح کے وقت باپ بیٹی کے درمیان ٹرمپ سے متعلق گفتگو شدت اختیار کر گئی تھی۔
بوائے فرینڈ نے مزید بتایا کہ لوسی نے اپنے والد سے سوال کیا کہ اگر وہ کسی جنسی زیادتی کا شکار لڑکی کی جگہ ہوتیں تو انہیں کیسا محسوس ہوتا؟
اس پر والد نے مبینہ طور پر کہا کہ ان کی دو اور بیٹیاں بھی ہیں اس لیے انہیں اتنا دکھ نہ ہوتا۔ اس جواب پر لوسی شدید دلبرداشتہ ہو کر اوپر چلی گئیں۔
بعدازاں، ایئرپورٹ روانگی سے تقریباً آدھا گھنٹہ پہلے، والد لوسی کو نیچے والے بیڈروم میں لے گئے تاکہ انہیں اپنی گلاک 9 ایم ایم پسٹل دکھا سکیں۔
لوسی کے بوائے فرینڈ نے بتایا کہ چند لمحوں بعد کمرے سے گولی چلنے کی آواز آئی۔ جب میں کمرے میں پہنچا تو لوسی زمین پر گری ہوئی تھیں اور والد گھبراہٹ میں چیخ رہے تھے۔
دوسری جانب کرس ہیریسن (والد) کے تحریری بیان میں کہا گیا کہ وہ اور لوسی اس وقت گن کرائم سے متعلق خبر دیکھ رہے تھے۔
انہوں نے مزید بتایا کہ بیٹی کو بندوق دکھاتے ہوئے اچانک فائر ہوگیا اور انہیں یاد نہیں کہ انگلی ٹریگر پر تھی یا نہیں۔
کرس ہیریسن (والد) نے یہ بھی تسلیم کیا کہ وہ ماضی میں شراب نوشی کے عادی رہے ہیں اور واقعے کے روز جذباتی کیفیت کے باعث دوبارہ شراب پی لی تھی۔
پولیس افسر نے بھی عدالت کو بتایا کہ جائے وقوعہ پر پہنچے تو اُس وقت والد کے منہ سے شراب کی بو آ رہی تھی۔ بعد ازاں سی سی ٹی وی میں انھیں شراب خریدتے بھی دیکھا گیا۔
امریکی حکام نے ابتدائی طور پر اس موت کو ممکنہ “مین سلاٹر” کے طور پر دیکھا تھا تاہم کولن کاؤنٹی کی گرینڈ جیوری نے فردِ جرم عائد کرنے سے انکار کر دیا۔
جس کے باعث فوجداری مقدمہ قائم نہیں ہوا تھا۔ عدالتی کارروائی اب بدھ تک ملتوی کر دی گئی ہے جس دن جیوری اپنے نتائج پیش کرے گی۔
لوسی کی والدہ جین کوٹس نے بیٹی کو زندگی سے بھرپور اور اصولوں پر بحث کرنے والی شخصیت قرار دیا۔ لوسی برطانوی فیشن برانڈ بوہو کے لیے کام کرتی تھیں۔
.
ذریعہ
ذریعہ: Express News
کلیدی لفظ: بوائے فرینڈ بتایا کہ
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے