افغانستان دنیا کے بدعنوان ترین ممالک میں شامل، پاکستان کا اسکور کیا ہے؟
اشاعت کی تاریخ: 11th, February 2026 GMT
عالمی شفافیت کے ادارے کی جانب سے جاری کردہ سالانہ بدعنوانی اشاریہ رپورٹ کے مطابق افغانستان بدستور دنیا کے بدعنوان ترین ممالک میں شامل ہے۔ رپورٹ میں بتایا گیا ہے کہ افغانستان نے 100 میں سے 16 نمبر حاصل کیے اور 182 ممالک میں 169 ویں نمبر پر رہا۔
رپورٹ کے مطابق افغانستان نے 100 میں سے 16 نمبر حاصل کیے اور 182 ممالک میں 169 ویں نمبر پر رہا، جبکہ 2024 میں افغانستان کا اسکور 17 تھا اور وہ 180 ممالک میں 165 ویں نمبر پر تھا۔ اس سے ظاہر ہوتا ہے کہ ملک میں بدعنوانی کی صورتحال وقت کے ساتھ مزید خراب ہوئی ہے۔
دنیا کے کم بدعنوان ممالکرپورٹ کے مطابق ڈنمارک، فن لینڈ، سنگاپور، نیوزی لینڈ اور ناروے دنیا کے کم بدعنوان ترین ممالک میں شامل ہیں۔
دنیا کے زیادہ بدعنوان ممالکجنوبی سوڈان، صومالیہ، وینزویلا، یمن اور لیبیا کو دنیا کے زیادہ بدعنوان ممالک میں شمار کیا گیا ہے۔
کم ترین بدعنوان ملکبدعنوانی تاثر اشاریہ 2025 کے مطابق پہلا نمبر ڈنمارک کا ہے، جس نے 100 میں سے 89 نمبر حاصل کیے اور دنیا کا کم ترین بدعنوان ملک قرار پایا۔
پاکستان میں کرپشن میں کمیپاکستان نے 100 میں سے 28 نمبر حاصل کیے اور 182 ممالک میں 136 ویں نمبر پر رہا، جبکہ 2024 میں پاکستان 180 ممالک میں 135 ویں نمبر پر تھا۔
یعنی اس سال پاکستان کی درجہ بندی میں معمولی تنزلی ہوئی ہے۔
عالمی اوسط میں کمیرپورٹ میں بتایا گیا ہے کہ پہلی مرتبہ ایک دہائی سے زائد عرصے بعد عالمی اوسط اسکور 42 پر آ گیا ہے، جو اس بات کی نشاندہی کرتا ہے کہ دنیا بھر میں بدعنوانی کے خلاف کارکردگی کمزور ہو رہی ہے۔
کمزور ریاستیں زیادہ متاثررپورٹ کے مطابق وہ ممالک جہاں شہری آزادی محدود ہو، عدالتی نظام کمزور ہو اور احتساب کا مؤثر نظام موجود نہ ہو، وہاں بدعنوانی کے امکانات زیادہ ہوتے ہیں، افغانستان جیسے کمزور ریاستی ڈھانچے رکھنے والے ممالک اسی وجہ سے فہرست کے نچلے حصے میں موجود ہیں۔
ادارے کی سفارشاتعالمی ادارے نے حکومتوں پر زور دیا ہے کہ آزاد عدلیہ کو مضبوط بنایا جائے، نگرانی کے اداروں کو بااختیار کیا جائے، سیاسی مالی نظام کو شفاف بنایا جائے اور صحافیوں کو تحفظ فراہم کیا جائے تاکہ بدعنوانی کا مؤثر طور پر مقابلہ کیا جاسکے۔
بدعنوانی کا پیمانہ کیا ہے؟اشاریہ رپورٹ میں عوامی شعبے میں بدعنوانی کے تاثر کو صفر سے 100 کے پیمانے پر جانچا جاتا ہے، جہاں صفر سب سے زیادہ بدعنوانی اور 100 بدعنوانی سے پاک ہونے کی علامت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افریقہ افغانستان اقوام متحدہ پاکستان ڈنمارک رپورٹ جاری صومالیہ کرپشن لسٹ.
ذریعہ
ذریعہ: WE News
کلیدی لفظ: افریقہ افغانستان اقوام متحدہ پاکستان رپورٹ جاری صومالیہ نمبر حاصل کیے اور رپورٹ کے مطابق ویں نمبر پر ممالک میں دنیا کے گیا ہے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے