امریکی نائب معاون وزیر خارجہ کی وزیرِ خزانہ سے ملاقات، معاشی تعاون مزید مضبوط بنانے پر اتفاق
اشاعت کی تاریخ: 11th, February 2026 GMT
سٹی 42 : وزیرِ خزانہ سینیٹر محمد اورنگزیب سے امریکی نائب معاون وزیر خارجہ جان مارک پومرشائم نے ملاقات کی جس میں پاکستان اور امریکا کے درمیان معاشی اصلاحات، سرمایہ کاری کے فروغ اور دوطرفہ اقتصادی تعاون پر تفصیلی تبادلہ خیال کیا گیا۔
وزارتِ خزانہ کے مطابق وزیرِ خزانہ نے امریکی وفد کو ملکی معاشی صورتحال، استحکام کے اقدامات اور جاری اصلاحاتی ایجنڈے پر بریفنگ دی،انہوں نے پائیدار اور برآمدات پر مبنی معاشی ترقی کی جانب منتقلی کے حکومتی عزم کا اعادہ کیا۔ سینیٹر محمد اورنگزیب نے کہا کہ مالیاتی خسارے میں کمی اور کرنٹ اکاؤنٹ میں بہتری آ رہی ہے جبکہ آئی ٹی برآمدات اور ترسیلاتِ زر میں اضافے سے معاشی اشاریوں میں مثبت پیش رفت دیکھنے میں آئی ہے، انہوں نے کہا کہ حکومت غیر ملکی سرمایہ کاری کے فروغ اور کاروباری ماحول کو مزید سازگار بنانے کے لیے پرعزم ہے۔
بھارت: ماں نے میٹروسٹیشن پر بیٹے کی منگنی کیوں کی؟ حیران کن ویڈیو وائرل
وزیرِ خزانہ نے بتایا کہ پاکستان عالمی مالیاتی منڈیوں میں دوبارہ داخل ہونے اور پانڈا بانڈ کے اجرا کی منصوبہ بندی کر رہا ہے، اس کے علاوہ بینکاری شعبے اور بجلی کی تقسیم کار کمپنیوں سمیت مختلف اداروں کی نجکاری کے عمل کو تیز کیا جا رہا ہے۔
انہوں نے مزید کہا کہ اسلام آباد ایئرپورٹ سے بڑے ہوائی اڈوں کی آؤٹ سورسنگ کا آغاز بھی متوقع ہے۔
اس موقع پر امریکی نائب معاون وزیر خارجہ جان مارک پومرشائم نے پاکستان کی مالیاتی اصلاحات اور معاشی استحکام کے لیے کی جانے والی کوششوں کو سراہا، ان کا کہنا تھا کہ امریکی کاروباری ادارے پاکستان میں اصلاحاتی پیش رفت پر گہری نظر رکھے ہوئے ہیں اور سرمایہ کاری کے مواقع میں دلچسپی رکھتے ہیں۔
ٹی ٹوینٹی ورلڈ کپ،مسلسل دو شکستیں ،افغانستان کا اب کیا بنے گا۔۔؟
ملاقات میں دونوں ممالک نے پاکستان اور امریکا کے درمیان معاشی تعاون کو مزید مضبوط بنانے کے عزم کا اعادہ کیا۔
ملاقات میں پاکستان میں تعینات امریکی ناظم الامور نیٹلی بیکر بھی موجود تھیں۔
.
ذریعہ
ذریعہ: City 42
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ