بنگلہ دیش کے انتخابات: اقوامِ متحدہ کا خواتین کی سلامتی اور مؤثر شرکت یقینی بنانے پر زور
اشاعت کی تاریخ: 11th, February 2026 GMT
اقوامِ متحدہ نے بنگلہ دیشی حکام پر زور دیا ہے کہ جاری انتخابی عمل کے دوران خواتین کی سلامتی، وقار اور بھرپور شرکت کو یقینی بنایا جائے۔ عالمی ادارے نے کہا ہے کہ شفاف اور جامع انتخابات کے لیے ایسا ماحول ضروری ہے جہاں خواتین ووٹرز، امیدوار اور پولنگ عملہ بلا خوف و خطر اپنی ذمہ داریاں ادا کر سکیں۔
انتخابات سے قبل جاری بیان میں اقوامِ متحدہ نے واضح کیا کہ خواتین کو دھمکی، تشدد یا ہراسانی کے خوف کے بغیر ووٹ ڈالنے اور انتخاب لڑنے کا مکمل حق حاصل ہونا چاہیے۔ بیان میں کہا گیا کہ مساوی شرکت جمہوری طرزِ حکمرانی اور پائیدار ترقی کی بنیاد ہے۔
اقوامِ متحدہ نے قانون نافذ کرنے والے اداروں اور الیکشن حکام کو ہدایت کی کہ وہ پولنگ اسٹیشنز اور انتخابی مہم کے دوران بالخصوص خواتین کی حفاظت کے لیے مؤثر اقدامات کریں اور محفوظ ماحول کو یقینی بنائیں۔
عالمی ادارے نے بنگلہ دیش میں جمہوری اداروں کی حمایت کا اعادہ کرتے ہوئے کہا کہ خواتین کی بامعنی نمائندگی سیاسی نظام کی ساکھ اور معاشرتی استحکام کو مضبوط بناتی ہے۔
واضح رہے کہ بنگلہ دیش میں اس وقت ملک بھر میں سکیورٹی انتظامات کے ساتھ انتخابات کا عمل جاری ہے اور سیاسی سرگرمیوں میں تیزی دیکھی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا