محمود اچکزئی کا فوج سے متعلق بیان من گھڑت، فوج کا سیاست سے کوئی تعلق نہیں، سیکیورٹی ذرائع نے واضح کردیا
اشاعت کی تاریخ: 11th, February 2026 GMT
سیکیورٹی ذرائع نے کہا ہے کہ اپوزیشن لیڈر قومی اسمبلی محمود اچکزئی کا پاک فوج سے متعلق بیان انتہائی افسوس ناک اور جھوٹ پر مبنی ہے۔
ذرائع نے بتایا کہ کسی بھی قسم کی بات چیت کرنا تمام سیاسی جماعتوں کا استحقاق ہے تاہم سیاست سے فوج کا کوئی لینا دینا نہیں۔
بیان میں کہا گیا کہ پاکستان میں فتنہ الخوارج اور فتنہ الہندوستان کے خاتمے کے لیے پوری قوم کو متحد ہونا ہوگا۔ دہشتگردی کے خلاف جنگ صرف سیکیورٹی فورسز، فوج، پولیس یا ایف سی کی نہیں بلکہ یہ پوری قوم کی جنگ ہے۔
مزید پڑھیں: وزیر دفاع خواجہ آصف کی محمود اچکزئی پر تنقید، فوج سے متعلق بیان کو غیر ذمہ دارانہ قرار دیدیا
سیکیورٹی ذرائع کے مطابق دہشتگردی کے خلاف کامیابی نیشنل ایکشن پلان پر مکمل عملدرآمد سے مشروط ہے، جبکہ پاکستان کے اندر ہونے والی تمام اسپانسرڈ دہشتگردی کے پیچھے بھارت کا ہاتھ ہے۔
انہوں نے دعویٰ کیاکہ حالیہ ترلائی امام بارگاہ حملے کے ملزم کو دہشتگردانہ تربیت افغانستان میں دی گئی۔
ذرائع کا کہنا تھا کہ بیرونی اور اندرونی سازشی عناصر کے خلاف سخت کارروائیاں ناگزیر ہیں۔
انہوں نے زور دیا کہ کسی کی بھی سیاسی یا مذہبی سوچ کچھ بھی ہو، دہشتگردی کے خلاف سب کو متحد ہونا ہوگا۔ قومیت، لسانیت یا صوبائیت کی بنیاد پر تقسیم ہونے کے بجائے متحد رہ کر تمام فتنوں کا خاتمہ کرنا ضروری ہے۔
سیکیورٹی ذرائع نے کہاکہ فتنہ الہندوستان درحقیقت بلوچ عوام اور بلوچستان کی ترقی کا دشمن ہے، جبکہ تین سال قبل 15 سے 20 ملین لیٹر ایرانی پیٹرول اور ڈیزل کی اسمگلنگ ہوتی تھی جو اب ختم ہوچکی ہے، اور یہی اسمگلنگ کا پیسہ دہشت گردانہ کارروائیوں میں استعمال ہوتا تھا۔
ان کا کہنا تھا کہ گڈ گورننس ہی دہشتگردی کے خاتمے کا واحد مؤثر ذریعہ ہے۔ بلوچستان میں احساسِ محرومی کے نعرے کی آڑ میں دہشت گردی کرنے والوں کو عوام پہچان چکی ہے۔ خیبرپختونخوا میں دہشت گردی پر قابو پانے کیلئے بھی نیشنل ایکشن پلان ہی کنجی ہے اور اس سلسلے میں حالیہ میٹنگز خوش آئند ہیں۔
مزید پڑھیں: اسلام آباد دہشتگردی: خود کش حملہ آور کی والدہ اسلام آباد سے گرفتار
سیکیورٹی ذرائع نے کہاکہ جس طرح معرکہ حق میں متحد ہوکر بھارت کو شکست دی گئی، اسی طرح دہشت گردوں کو بھی شکست دی جائے گی۔ تعلیمی اداروں کے دوروں سے واضح ہوتا ہے کہ عوام خصوصاً نوجوان نسل پاک فوج کے ساتھ سیسہ پلائی دیوار کی طرح کھڑی ہے اور کوئی بیانیہ فوج اور عوام کے رشتے کو کمزور نہیں کرسکتا، کیونکہ ہمارا بیانیہ صرف پاکستان ہے۔
ذرائع نے واضح کیاکہ قانونی معاملات اور کورٹ کیسز سے جڑے تمام امور کا فیصلہ آئین اور قانون کے مطابق عدالتوں نے کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سیاست سیکیورٹی ذرائع قومی اسمبلی محمود اچکزئی مذاکرات وی نیوز.
ذریعہ
ذریعہ: WE News
کلیدی لفظ: سیاست سیکیورٹی ذرائع قومی اسمبلی محمود اچکزئی مذاکرات وی نیوز سیکیورٹی ذرائع نے محمود اچکزئی دہشتگردی کے کے خلاف
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا