سردار اخترمینگل کا قومی اسمبلی کی رکنیت سے استعفیٰ 17 ماہ بعد منظور کرلیا گیا
اشاعت کی تاریخ: 11th, February 2026 GMT
اسلام آباد: بلوچستان نیشنل پارٹی کے سربراہ سردار اختر مینگل کی قومی اسمبلی کی رکنیت سے دی گئی استعفے کی درخواست بالآخر طویل انتظار کے بعد منظور کر لی گئی، جس کے ساتھ ہی قومی سیاست میں ایک اہم باب اختتام کو پہنچ گیا۔
نجی ٹی وی کی رپورٹ کے مطابق ذرائع کا کہنا ہے کہ اسپیکر قومی اسمبلی سردار ایاز صادق نے گزشتہ شب اختر مینگل کا استعفیٰ باضابطہ طور پر قبول کر لیا، جس کا اطلاق اسی تاریخ سے کیا گیا ہے جس دن انہوں نے تحر یری طور پر ایوان سے علیحدگی اختیار کی تھی۔
پارلیمانی ذرائع کا کہنا ہے کہ سردار اختر مینگل نے 3 ستمبر 2024 کو بلوچستان کے مسائل اور صوبے سے متعلق مطالبات پورے نہ ہونے پر بطور احتجاج قومی اسمبلی کی رکنیت سے استعفیٰ دے دیا تھا، تاہم مختلف انتظامی اور پارلیمانی وجوہات کے باعث یہ معاملہ تقریباً 17 ماہ تک التوا کا شکار رہا۔ اس دوران وہ جنوری 2026 تک بطور رکن قومی اسمبلی تمام مراعات اور سہولیات سے استفادہ کرتے رہے۔
ذرائع کے مطابق اسپیکر کی جانب سے استعفیٰ منظور کیے جانے کے فیصلے کے بعد این اے 256 خضدار ون کی نشست باضابطہ طور پر خالی قرار دے دی گئی ہے، جس پر آئینی تقاضوں کے مطابق آئندہ تین ماہ کے اندر ضمنی انتخاب کرایا جائے گا۔ اس سلسلے میں الیکشن کمیشن آف پاکستان جلد ہی انتخابی شیڈول جاری کرے گا تاکہ حلقے کو دوبارہ نمائندگی فراہم کی جا سکے۔
واضح رہے کہ سردار اختر مینگل فروری 2024 کے عام انتخابات میں این اے 256 خضدار ون سے منتخب ہو کر قومی اسمبلی پہنچے تھے۔ تاہم بلوچستان کے حقوق، ترقیاتی منصوبوں، سیاسی خودمختاری اور دیگر بنیادی مطالبات کی عدم منظوری پر انہوں نے اسمبلی سے علیحدگی اختیار کرنے کا فیصلہ کیا تھا، جسے ان کے حامیوں نے صوبے کے عوام کے جذبات کی ترجمانی قرار دیا۔
.
ذریعہ
ذریعہ: Al Qamar Online
کلیدی لفظ: پاکستان کھیل قومی اسمبلی اختر مینگل
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی