میکسیکن کارٹل ڈرونز کی دراندازی، ٹیکساس کا ایل پاسو ایئرپورٹ عارضی طور پر بند
اشاعت کی تاریخ: 11th, February 2026 GMT
امریکی ریاست ٹیکساس کے ایل پاسو انٹرنیشنل ایئرپورٹ کے گرد فضائی حدود کو میکسیکن کارٹل کے ڈرونز کی دراندازی کے باعث عارضی طور پر بند کر دیا گیا تاہم چند گھنٹوں بعد پابندی اٹھا لی گئی اور پروازیں بحال کر دی گئیں۔
یہ بھی پڑھیں: آبنائے ہرمز: امریکی بحری جہازوں کو ایران کے پانیوں سے دور رہنے کی ہدایت
فیڈرل ایوی ایشن ایڈمنسٹریشن (ایف اے اے) نے بدھ کی صبح سوشل میڈیا پر جاری بیان میں کہا کہ ایل پاسو کے اوپر عائد عارضی فضائی پابندی ختم کر دی گئی ہے کیونکہ کمرشل ایوی ایشن کو کوئی خطرہ لاحق نہیں۔ ادارے کے مطابق تمام پروازیں معمول کے مطابق بحال کر دی گئی ہیں۔
امریکی وزیر ٹرانسپورٹ شان ڈفی نے سوشل میڈیا پلیٹ فارم ایکس پر بیان میں کہا کہ ایف اے اے اور محکمہ دفاع نے کارٹل ڈرون دراندازی کے معاملے پر فوری کارروائی کی۔
ان کے مطابق خطرے کو ختم کر دیا گیا ہے اور علاقے میں کمرشل سفر کے لیے کوئی خطرہ موجود نہیں۔ تاہم انہوں نے یہ نہیں بتایا کہ کتنے ڈرون شامل تھے یا انہیں کس طرح ناکارہ بنایا گیا۔
ابتدائی طور پر ایف اے اے نے خصوصی سیکیورٹی وجوہات کی بنیاد پر 10 روزہ بندش کا اعلان کیا تھا جس سے بڑے پیمانے پر پروازوں کی معطلی متوقع تھی۔
ایئرپورٹ انتظامیہ نے انسٹاگرام پوسٹ میں کہا تھا کہ منگل کی رات سے 20 فروری تک تمام کمرشل، کارگو اور جنرل ایوی ایشن پروازیں معطل رہیں گی اور مسافروں کو ہدایت کی گئی تھی کہ وہ تازہ معلومات کے لیے اپنی ایئرلائن سے رابطہ کریں۔
مزید پڑھیے: ڈونلڈ ٹرمپ کا ایران کو خفیہ ڈیڈ لائن دینے کا دعویٰ، امریکی میزائل بردار بحری جہاز ایلات پہنچ گیا
ایل پاسو تقریباً 7 لاکھ آبادی والا سرحدی شہر ہے جو میکسیکو کے شہر سیوداد خواریز کے ساتھ مل کر سرحد پار تجارت کا اہم مرکز سمجھا جاتا ہے۔ تاہم یہ عارضی پابندی میکسیکو کی فضائی حدود پر لاگو نہیں تھی۔
ڈیموکریٹ رکن کانگریس ویرونیکا ایسکوبار، جن کے حلقے میں ایل پاسو شامل ہے، نے بدھ کی صبح ایف اے اے سے پابندی اٹھانے کا مطالبہ کیا تھا۔
ان کا کہنا تھا کہ اس فیصلے کی پیشگی اطلاع نہ تو ان کے دفتر کو دی گئی اور نہ ہی شہر یا ایئرپورٹ حکام کو ملی۔ ان کا مزید کہنا تھا کہ 10 روزہ بندش کا فیصلہ غیر معمولی تھا اور اس سے مقامی برادری میں شدید تشویش پیدا ہوئی جبکہ دستیاب معلومات کے مطابق علاقے کو فوری کوئی خطرہ لاحق نہیں تھا۔
ایل پاسو ایئرپورٹ خود کو مغربی ٹیکساس، جنوبی نیو میکسیکو اور شمالی میکسیکو کا گیٹ وے قرار دیتا ہے۔ یہاں ساؤتھ ویسٹ، یونائیٹڈ، امریکن اور ڈیلٹا سمیت کئی ایئرلائنز پروازیں چلاتی ہیں۔
اسی نوعیت کی خصوصی سیکیورٹی پابندی نیو میکسیکو کے علاقے سانتا تیریسا کے اوپر بھی عائد کی گئی جو ایل پاسو ایئرپورٹ سے تقریباً 24 کلومیٹر شمال مغرب میں واقع ہے۔
ساؤتھ ویسٹ ایئرلائنز نے بیان میں کہا کہ ایف اے اے کی ہدایت پر ایل پاسو سے آنے اور جانے والی تمام پروازیں عارضی طور پر روک دی گئی تھیں۔ کمپنی کا کہنا تھا کہ متاثرہ مسافروں کو مطلع کر دیا گیا ہے اور مزید معلومات دستیاب ہونے پر فراہم کی جائیں گی۔
مزید پڑھیں: ایران امریکا کشیدگی کے باعث مشرقِ وسطیٰ کی پروازیں متاثر، عالمی ایئرلائنز الرٹ
ایئرلائن نے کہا کہ ہمارے صارفین اور عملے کی حفاظت ساؤتھ ویسٹ کی اولین ترجیح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ایئرپورٹ کی عارضی بندش ٹیکساس کا ایل پاسو ایئرپورٹ میکسیکن کارٹل ڈرونز.
ذریعہ
ذریعہ: WE News
کلیدی لفظ: امریکی ایئرپورٹ کی عارضی بندش میکسیکن کارٹل ڈرونز ایل پاسو ایئرپورٹ ایف اے اے کے مطابق میں کہا تھا کہ کہا کہ
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا