دورہ جات قرآن 25شعبان تا 25رمضان ہونگے ‘ جاوداں فہیم
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی(اسٹاف رپورٹر)حلقہ خواتین جماعت اسلامی کراچی کے تحت شہر بھر میں 25 شعبان سے 25 رمضان المبارک تک 2 ہزار سے زاید مقامات پر دورۂ قرآن کا انعقاد کیا جائے گا، جس میں قرآنِ مجید کو تفسیر کے ساتھ عام فہم انداز میں پڑھایا جائے گا۔ اس سال دورۂ قرآن کی مرکزی تھیم’’ہر دل میں قرآن‘‘رکھا گیا ہے، جس کا مقصد خواتین کو قرآنِ مجید سے گہرا تعلق جوڑنے کی دعوت دینا ہے۔شہر بھر کی خواتین کسی بھی قریبی مقام پر دورۂ قرآن میں شرکت کر سکتی ہیں۔ یہ دروس رہائشی علاقوں، تعلیمی اداروں، کچی آبادیوں، دفاتر اور قرآن انسٹیٹیوٹ میں منعقد کیے جا رہے ہیں تاکہ ہر طبقے کی خواتین تک قرآن کی تعلیم پہنچ سکے۔ناظمہ کراچی حلقہ خواتین جماعت اسلامی جاوداں فہیم نے کراچی کی خواتین سے اپیل کی کہ وہ ان دورۂ قرآن میں بھرپور شرکت کریں، قرآن کے پیغام کو سمجھیں اور اپنی زندگیوں میں نافذ کرنے کی کوشش کریں تاکہ فرد، خاندان اور معاشرے میں مثبت تبدیلی آ سکے۔ انہوں نے مزید کہا کہ فوری قرآن کے ساتھ ساتھ مختلف مقامات پر مختصر دورانیے پر مشتمل قرآ ن کے شارٹ کورسز بھی منعقد کیے جا رہے ہیں تاکہ مصروف خواتین بھی کم وقت میں قرآن کی بنیادی تعلیم حاصل کر سکیں۔ خواتین مقررکردہ رابطہ نمبروں0335-2884443اور0370-2556103 پر رابطہ کر کے اپنی قریبی جگہ پر دورۂ قرآن یا شارٹ کورس میں شرکت کر سکتی ہیں۔جاوداں فہیم نے خواتین کے اس دینی و تربیتی سلسلے کو سراہتے ہوئے کہا کہ رمضان المبارک قرآن سے تعلق مضبوط کرنے کا سنہری موقع ہے اور حلقہ خواتین کا یہ اقدام قابل تحسین ہے۔ معاشرے کی اصلاح اور کردار سازی کے لیے قرآن فہمی ناگزیر ہے اور خواتین کی تربیت پورے خاندان اور معاشرے پر مثبت اثر ڈالتی ہے۔
ذریعہ
ذریعہ: Jasarat News
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا