پی ایس ایل 11: نیلامی میں فروخت ہونیوالے 10 سب سے مہنگےکھلاڑی
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پاکستان سپر لیگ (پی ایس ایل) کے گیارہویں ایڈیشن کی پلیئر ڈرافٹنگ تقریب لاہور میں منعقد ہوئی جہاں فرنچائزز نے کھلاڑیوں کے انتخاب کے لیے بڑی بولیاں لگائیں۔
پی ایس ایل کی نئی فرنچائز راولپنڈی نے فاسٹ بولر نسیم شاہ کو 8 کروڑ 65 لاکھ روپے میں حاصل کر لیا، یوں وہ اس ایڈیشن کے سب سے مہنگے کھلاڑی قرار پائے۔
دوسری بڑی بولی آل راؤنڈر فہیم اشرف کے لیے لگی جنہیں اسلام آباد یونائیٹڈ نے ساڑھے 8 کروڑ روپے میں اپنی ٹیم میں شامل کیا۔ نیوزی لینڈ کے ڈیرل مچل بھی نمایاں رہے اور وہ 8 کروڑ 5 لاکھ روپے میں راولپنڈی کا حصہ بنے۔
لاہور قلندرز نے فخر زمان کو 7 کروڑ 95 لاکھ روپے میں دوبارہ اسکواڈ میں شامل کیا، جبکہ کراچی کنگز نے آسٹریلوی بیٹر ڈیوڈ وارنر کو 7 کروڑ 90 لاکھ روپے میں حاصل کیا۔
حارث رؤف ایک بار پھر لاہور قلندرز کے لیے کھیلیں گے، انہیں 7 کروڑ 60 لاکھ روپے میں خریدا گیا۔ اسلام آباد یونائیٹڈ نے مارک چیپ مین کو 7 کروڑ روپے میں ٹیم کا حصہ بنایا۔
کوئٹہ گلیڈی ایٹرز نے خواجہ نافع کو ساڑھے 6 کروڑ روپے میں خریدا، جبکہ پاکستان کی ٹی ٹوئنٹی ٹیم کے کپتان سلمان علی آغا 5 کروڑ 85 لاکھ روپے میں کراچی کنگز میں شامل ہوئے۔
سیالکوٹ اسٹالینز نے صاحبزادہ فرحان کو 5 کروڑ 70 لاکھ روپے میں حاصل کیا، جبکہ لاہور قلندرز نے اُسامہ میر کو ساڑھے 3 کروڑ روپے میں اپنی ٹیم میں شامل کر لیا۔
ذریعہ
ذریعہ: Jasarat News
کلیدی لفظ: کروڑ روپے میں لاکھ روپے میں
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے