پی ایس ایل آکشن مکمل ہونے کے بعد تمام 8 ٹیموں پر ایک نظر
اشاعت کی تاریخ: 12th, February 2026 GMT
پاکستان سپر لیگ یعنی پی ایس ایل کی تاریخ کی سب سے زیادہ متوقع پلیئرز آکشن کے بعد آٹھوں فرنچائزز نے لیگ کے 11ویں ایڈیشن کے لیے اپنے اسکواڈز کو حتمی شکل دے دی ہے۔
پی ایس ایل کا نیا سیزن 26 مارچ سے 3 مئی تک کھیلا جائے گا۔
یہ پی ایس ایل کی تاریخ کی پہلی باقاعدہ نیلامی تھی جس نے 2016 میں لیگ کے آغاز سے جاری ڈرافٹ سسٹم کی جگہ لی۔
پلیئرز کے انتخاب کے ماڈل میں یہ بڑی تبدیلی اس وقت سامنے آئی ہے جب لیگ میں سیالکوٹ اسٹیلیئنز اور حیدرآباد ہیوسٹن کنگزمین دو نئی ٹیموں کا اضافہ کیا گیا ہے۔
یہ بھی پڑھیں:
توسیع کے باعث پرانی 6 فرنچائزز کو صرف 4 کھلاڑی برقرار رکھنے کی اجازت تھی، جس نے انتخابی عمل کو مزید سنسنی خیز بنا دیا۔
تین بار کی چیمپئن اسلام آباد یونائیٹڈ نے جارحانہ انداز میں نیلامی کا آغاز کیا اور آل راؤنڈر فہیم اشرف کو 8 کروڑ 50 لاکھ روپے میں حاصل کیا۔
یونائیٹڈ نے مارک چیپمین، محمد وسیم جونیئر اور میکس برائنٹ کو بھی اسکواڈ میں شامل کیا، جبکہ عماد وسیم، رچرڈ گلیسن، شمرجوزف اور حیدر علی کی شمولیت سے بولنگ اور مڈل آرڈر کو مضبوط بنایا۔
کراچی کنگز نے بھی بڑی بولی لگا کر ڈیوڈ وارنر کو 7 کروڑ 90 لاکھ روپے میں حاصل کیا، جو نیلامی کی نمایاں ڈیلز میں شامل رہی۔
مزید پڑھیں:
سلمان علی آغا، ایڈم زمپا، اعظم خان، جانسن چارلس اور میر حمزہ کی شمولیت سے کراچی نے متوازن کمبی نیشن ترتیب دیا۔
لاہور قلندرز نے اپنے کور کھلاڑیوں پر اعتماد برقرار رکھتے ہوئے حارث رؤف کو 7 کروڑ 60 لاکھ اور فخر زمان کو 7 کروڑ 95 لاکھ روپے میں دوبارہ حاصل کیا۔
اسامہ میر، عبید شاہ، داسن شناکا اور گڈاکیش موتی کی آمد سے ٹیم کو مزید تقویت ملی۔
راولپنڈی فرنچائز نے نیلامی کی سب سے بڑی بولی لگاتے ہوئے نسیم شاہ کو 8 کروڑ 65 لاکھ روپے میں خریدا، جبکہ ڈیرل مچل 8 کروڑ 5 لاکھ روپے میں ٹیم کا حصہ بنے۔
مزید پڑھیں:
محمد عامر، رشاد حسین اور آصف آفریدی کی شمولیت سے راولپنڈی نے مضبوط بولنگ لائن اپ ترتیب دی۔
پشاور زلمی نے مائیکل بریسویل اور کوسل مینڈس کو 4 کروڑ 20 لاکھ روپے فی کس میں حاصل کیا۔
جیمز ونس اور محمد حارث کی شمولیت سے بیٹنگ مضبوط کی گئی، جبکہ عامر جمال اور خرم شہزاد کو پیس اٹیک کے لیے منتخب کیا گیا۔
کوئٹہ گلیڈی ایٹرز نے نوجوان اور غیر ملکی ٹیلنٹ پر سرمایہ کاری کرتے ہوئے رائلی روسو کو 5 کروڑ 55 لاکھ اور ٹام کرن کو 4 کروڑ 20 لاکھ روپے میں حاصل کیا۔
مزید پڑھیں:
خواجہ محمد نفے 6 کروڑ 50 لاکھ روپے میں نمایاں خریداری رہے، جبکہ جہانداد خان، عرفات منہاس اور فیصل اکرم بھی اسکواڈ کا حصہ بنے۔
نئی فرنچائز حیدرآباد ہیوسٹن کنگزمین نے اپنے پہلے ہی سیزن کے لیے مضبوط ٹیم ترتیب دی، جس میں ریلی میریڈتھ (4 کروڑ 20 لاکھ) اور کوسل پریرا (3 کروڑ 10 لاکھ) نمایاں رہے۔
صائم ایوب 12 کروڑ 60 لاکھ روپے کے ساتھ ان کی سب سے بڑی خریداری ثابت ہوئے، محمد علی، محمد عرفان خان، حسن خان اور شرجیل خان بھی اسکواڈ میں شامل کیے گئے۔
سیالکوٹ اسٹیلیئنز کی نیلامی کا مرکز صاحبزادہ فرحان رہے، جنہیں 5 کروڑ 70 لاکھ روپے میں خریدا گیا۔
مزید پڑھیں:
ایشٹن ٹرنر اور جوش فلپ کی شمولیت سے بیٹنگ لائن کو تقویت دی گئی، جبکہ تبریز شمسی اور پیٹر سڈل بولنگ اٹیک کی قیادت کریں گے۔
پی ایس ایل کی اس تاریخی نیلامی نے نہ صرف لیگ کے ڈھانچے میں بڑی تبدیلی کی نشاندہی کی بلکہ آئندہ سیزن کے لیے سخت اور دلچسپ مقابلوں کی بنیاد بھی رکھ دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آکشن پی ایس ایل ڈرافٹ سسٹم صاحبزادہ فرحان کوئٹہ گلیڈی ایٹرز نیلامی.
ذریعہ
ذریعہ: WE News
کلیدی لفظ: پی ایس ایل ڈرافٹ سسٹم کوئٹہ گلیڈی ایٹرز نیلامی لاکھ روپے میں میں حاصل کیا کی شمولیت سے مزید پڑھیں پی ایس ایل کے لیے
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا