خیبر پختونخوا کی جامعات میں مرد اساتذہ کی طالبات سے تنہا ملاقات پر پابندی
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
خیبر پختونخوا کی سرکاری جامعات میں مرد اساتذہ کی جانب سے طالبات کو اپنے دفاتر میں تنہا ملاقات کے لیے بلانے پر پابندی عائد کر دی گئی ہے۔
اس حوالے سے محکمۂ اعلیٰ تعلیم نے تمام سرکاری جامعات کو باقاعدہ مراسلہ جاری کر دیا ہے۔
خط میں ہدایت کی گئی ہے کہ ہر شعبے میں ایک خاتون فیکلٹی ممبر کو نامزد کیا جائے جو طالبات کے مسائل اور شکایات سننے کی ذمہ دار ہوں گی۔ اس اقدام کا مقصد طالبات کو محفوظ اور بااعتماد ماحول فراہم کرنا بتایا گیا ہے۔
مراسلے کے متن کے مطابق نامزد خاتون فیکلٹی ممبر طالبات کی شکایات کا ازالہ یقینی بنائیں گی اور ضروری اقدامات کے لیے متعلقہ حکام سے رابطہ کریں گی۔ محکمۂ اعلیٰ تعلیم کا کہنا ہے کہ اس پالیسی سے تعلیمی اداروں میں شفافیت اور تحفظ کو فروغ ملے گا۔
.
ذریعہ
ذریعہ: Jasarat News
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ