کے ایم سی ہیڈ آفس میں ایف آئی اے اینٹی کرپشن سرکل کا چھاپہ، لینڈ ریکارڈ روم سیل
اشاعت کی تاریخ: 12th, February 2026 GMT
کراچی میٹروپولیٹن کارپوریشن (کے ایم سی) ہیڈ آفس میں ایف آئی اے اینٹی کرپشن سرکل کی ٹیم نے چھاپہ مار کر لینڈ ریکارڈ سے متعلق ریکارڈ کی جانچ شروع کردی ہے۔
میڈیا رپورٹس کے مطابق ایف آئی اے ٹیم سب سے پہلے میونسپل کمشنر سمیرا حسین کے دفتر پہنچی، جس کے بعد کے ایم سی افسران کے ہمراہ دوسری منزل پر واقع لینڈ ریکارڈ کے ریکارڈ روم تک گئی۔
یہ بھی پڑھیں: کراچی میٹروپولیٹن کارپوریشن کے ڈی جی پارکس آفس سے تاریخی نوادرات چوری
ریکارڈ روم کو تالا لگا ہوا پایا گیا، جس پر ایف آئی اے افسران نے شدید برہمی کا اظہار کیا اور تالا توڑنے کی تیاری شروع کردی۔
اینٹی کرپشن سرکل ایف آئی اے کی ٹیم ایس ایچ او اقبال کی سربراہی میں کارروائی کررہی ہے، ایس ایچ او اقبال کے مطابق لینڈ ریکارڈ میں گڑبڑ کی شکایات موصول ہونے پر ایف آئی اے میں تحقیقات جاری ہیں۔
شبہ ہے کہ ریکارڈ روم کی چابی ریٹائر افسر غلام غازی اپنے ساتھ لے گئے ہیں، غلام غازی 2 فروری کو ریٹائر ہوگئے تھے، تاہم اس کے بعد کسی نئے افسر کی تعیناتی نہیں کی گئی۔
یہ بھی پڑھیں: کے ایم سی کا 55 ارب روپے کا بجٹ برائے 26-2025 منظور، ترقیاتی منصوبوں کے لیے کتنی رقم مختص؟
چھاپے کے دوران ڈائریکٹر لینڈ اور عملہ مسلسل غلام غازی سے رابطہ کرنے کی کوشش کرتا رہا، تاہم تاحال چابی حاصل نہیں کی جاسکی۔
ایف آئی اے حکام کا کہنا ہے کہ ریکارڈ تک رسائی حاصل کر کے مکمل جانچ کی جائے گی اور ذمہ دار عناصر کے خلاف قانون کے مطابق کارروائی عمل میں لائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اینٹی کرپشن ریکارڈ روم کراچی کے ایم سی لینڈ ریکارڈ.
ذریعہ
ذریعہ: WE News
کلیدی لفظ: اینٹی کرپشن ریکارڈ روم کراچی کے ایم سی لینڈ ریکارڈ لینڈ ریکارڈ اینٹی کرپشن ریکارڈ روم ایف آئی اے کے ایم سی
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا