عمران خان کی دائیں آنکھ کی بینائی 15 فیصد رہ گئی ہے، رپورٹ سامنے آگئی
اشاعت کی تاریخ: 12th, February 2026 GMT
پاکستان تحریک انصاف کے بانی عمران خان کی صحت اور اڈیالہ جیل میں سہولیات سے متعلق رپورٹ منظرِ عام پر آگئی ہے۔ رپورٹ میں دعویٰ کیا گیا ہے کہ عمران خان کی دائیں آنکھ کی بینائی صرف 15 فیصد باقی رہ گئی ہے۔بانی پی ٹی آئی عمران خان کی صحت اور جیل میں فراہم کی گئی سہولیات سے متعلق ’فرینڈ آف کورٹ‘ بیرسٹر سلمان صفدر کی رپورٹ سامنے آگئی ہے۔سپریم کورٹ نے بیرسٹر سلمان صفدر کو عدالتی معاون (فرینڈ آف کورٹ) مقرر کرتے ہوئے عمران خان کی صحت اور اڈیالہ جیل میں انہیں فراہم کی جانے والے سہولیات پر تحریری رپورٹ پیش کرنے کی ہدایت کی تھی۔بیرسٹر سلمان صفدر نے عدالت میں پیش کی گئی رپورٹ میں بتایا کہ وہ عدالتی حکم پر تقریباً دوپہر2 بجے اڈیالہ جیل پہنچے۔ سپرنٹنڈنٹ جیل نے اصرار کیا کہ احاطے کا معائنہ کرنے سے قبل وہ عمران خان سے ملاقات کریں۔ چنانچہ ایک کانفرنس روم میں ملاقات کا اہتمام کیا گیا جو 2 بج کر 35 بجے منٹ پر شروع ہوئی، جس میں جیل حکام بھی موجود تھے۔سلمان صفدر کے مطابق انہوں نے عمران خان کو آگاہ کیا کہ وہ عدالتی حکم پر بطورِ فرینڈ آف کورٹ ان کے حالات کا جائزہ لینے آئے ہیں۔ یہ ملاقات شام ساڑھے بجے تک جاری رہی۔رپورٹ کے مطابق عمران خان نے بتایا کہ اڈیالہ جیل منتقلی کے بعد سے انہیں مخصوص قید خانے میں رکھا گیا ہے اور وہ گزشتہ تقریباً 2 سال اور 4 ماہ سے قیدِ تنہائی کاٹ رہے ہیں۔رپورٹ میں کہا گیا ہے کہ عمران خان نے بتایا کہ گزشتہ تین ماہ کے دوران ان کی بینائی میں شدید کمی واقع ہوئی ہے۔ انہوں نے کہا کہ اکتوبر 2025 تک انکی آنکھیں بالکل ٹھیک تھیں.
اس سے قبل سپریم کورٹ میں عمران خان اور بشریٰ بی بی کے خلاف توشہ خانہ فوجداری کیس کے ٹرائل کے خلاف درخواست پر سماعت ہوئی۔ اسی کیس کی سماعت کے دوران بیرسٹر سلمان صفدر کی عمران خان کی صحت سے متعلق رپورٹ بھی عدالت میں پیش کی گئی۔رپورٹ میں بتایا گیا کہ عمران خان نے جیل میں اپنے حفاظتی اقدامات، کھانے پینے کی سہولیات اور سیکیورٹی انتظامات پر اطمینان کا اظہار کیا ہے۔بیرسٹر سلمان صفدر نے عدالت میں رپورٹ کی سفارشات پڑھ کر سنائیں اور استدعا کی کہ عمران خان کا طبی معائنہ ان کے کسی فیملی ممبر کی موجودگی میں کرایا جائے۔ تاہم عدالت نے فیملی ممبر کی موجودگی میں میڈیکل کروانے کی درخواست مسترد کر دی۔سپریم کورٹ نے عمران خان کی آنکھ کے معائنے کی ہدایت دیتے ہوئے کہا کہ ڈاکٹرز کی ایک ٹیم تشکیل دینے کی ہدایت کی۔ عدالت نے حکم دیا کہ عمران خان کی آنکھ کا چیک اپ 16 فروری سے پہلے مکمل کیا جائے۔اس کے علاوہ عدالت نے عمران خان کو کتابیں فراہم کرنے کی بھی اجازت دی تاکہ وہ مطالعہ جاری رکھ سکیں۔ سماعت کے دوران عدالت نے بانی پی ٹی آئی کو اپنے بچوں سے فون پر بات کروانے کی بھی ہدایت دی اور کہا کہ یہ عمل بھی 16 فروری سے پہلے مکمل کیا جائے۔اٹارنی جنرل نے عدالت کو یقین دہانی کرائی کہ تمام عدالتی احکامات پر عملدرآمد یقینی بنایا جائے گا۔
ذریعہ
ذریعہ: Nawaiwaqt
کلیدی لفظ: ان کی دائیں آنکھ کی بینائی عمران خان کی صحت بانی پی ٹی آئی فرینڈ آف کورٹ کہ عمران خان اڈیالہ جیل سے ملاقات رپورٹ میں گیا ہے کہ کے مطابق کے دوران انہوں نے بتایا کہ عدالت نے فراہم کی کی آنکھ جیل میں گئی ہے کی گئی
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار