گلگت بلتستان کے امن پر کوئی سمجھوتہ نہیں کیا جائے گا، نگران وزیر اطلاعات
اشاعت کی تاریخ: 12th, February 2026 GMT
نگران وزیر اطلاعات و نشریات و انفارمیشن ٹیکنالوجی گلگت بلتستان غلام عباس نے تانگیر میں ایف ڈبلیو او کی گاڑی پر دہشت گردوں کے بزدلانہ حملے کی شدید الفاظ میں مذمت کرتے ہوئے کہا ہے کہ فتنہ الخوارج جیسے عناصر ملک کے امن و استحکام کو نقصان پہنچانے اور بدامنی پھیلانے کی ناکام کوششیں کر رہے ہیں۔ اسلام ٹائمز۔ نگران وزیر اطلاعات و نشریات و انفارمیشن ٹیکنالوجی گلگت بلتستان غلام عباس نے تانگیر میں ایف ڈبلیو او کی گاڑی پر دہشت گردوں کے بزدلانہ حملے کی شدید الفاظ میں مذمت کرتے ہوئے کہا ہے کہ فتنہ الخوارج جیسے عناصر ملک کے امن و استحکام کو نقصان پہنچانے اور بدامنی پھیلانے کی ناکام کوششیں کر رہے ہیں۔ انہوں نے کہا کہ حکومت اور قانون نافذ کرنے والے ادارے دہشت گردوں کے خلاف آہنی ہاتھوں سے نمٹیں گے اور ایسے بزدل عناصر کو قانون کے کٹہرے میں لا کر عبرتناک انجام تک پہنچایا جائے گا۔ انہوں نے اس عزم کا اظہار کیا کہ ریاست دشمن عناصر کو ہر صورت شکست دی جائے گی اور گلگت بلتستان کے امن پر کسی قسم کا سمجھوتہ نہیں کیا جائے گا۔ وزیر اطلاعات نے اس افسوسناک واقعہ میں شہید ہونے والے ڈرائیور کے بلند درجات، مغفرت اور لواحقین کے لیے صبر جمیل کی دعا کی، جبکہ زخمیوں کی جلد اور مکمل صحت یابی کے لیے نیک تمناؤں کا اظہار کیا۔
.
ذریعہ
ذریعہ: Islam Times
کلیدی لفظ: وزیر اطلاعات گلگت بلتستان کے امن
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے