صدر زرداری اور وزیراعظم شہباز شریف کی طارق رحمان اور بی این پی کو انتخابی کامیابی پر مبارکباد
اشاعت کی تاریخ: 13th, February 2026 GMT
صدر مملکت آصف علی زرداری اور وزیراعظم محمد شہباز شریف نے بنگلہ دیش نیشنلسٹ پارٹی اور اس کے قائد طارق رحمان کو قومی انتخابات میں بھاری اکثریت حاصل کرنے اور نئی حکومت بنانے کا مینڈیٹ ملنے پر دلی مبارکباد پیش کی ہے۔
صدر زرداری نے بنگلہ دیش کے عوام کو بھی 299 نشستوں پر مشتمل انتخابات کے کامیاب انعقاد پر مبارکباد دی، جن میں 12 کروڑ 70 لاکھ سے زائد رجسٹرڈ ووٹرز نے شرکت کی۔
خودمختاری اور جمہوری امنگوں کی حمایت کا اعادہصدر مملکت نے بنگلہ دیش کی خودمختاری اور جمہوری خواہشات کی حمایت کا اعادہ کرتے ہوئے کہا کہ پاکستان نئی حکومت کے ساتھ تجارت، دفاع، ثقافتی تبادلوں اور علاقائی فورمز میں تعاون کو فروغ دینے کا خواہاں ہے۔
سارک کے تناظر میں نئی امیدصدر زرداری نے کہا کہ بنگلہ دیش کے انتخابات جنوبی ایشیا کے لیے ایک موقع فراہم کرتے ہیں کہ ماضی کی ان رکاوٹوں سے آگے بڑھا جائے جن کے باعث علاقائی تعاون، بشمول سارک، متاثر ہوتا رہا۔ انہوں نے کہا کہ یہ فورم 1985 میں بنگلہ دیش میں قائم ہوا تھا، مگر بھارت کی پالیسیوں کے باعث اس کی فعالیت متاثر ہوئی۔
انہوں نے امید ظاہر کی کہ ڈھاکہ میں نئی سیاسی فضا خطے میں زیادہ متوازن، خودمختار اور باہمی احترام پر مبنی روابط کو فروغ دے گی۔
صدر آصف علی زرداری نے بنگلہ دیش کے استحکام، ترقی اور خوشحالی کے لیے نیک خواہشات کا اظہار بھی کیا۔
بنگلہ دیش کی نئی قیادت کے ساتھ مل کر کام کرنے کی خواہشوزیراعظم محمد شہباز شریف نے بنگلہ دیش کے پارلیمانی انتخابات میں بنگلہ دیش نیشنلسٹ پارٹی(بی این پی) کے سربراہ طارق رحمان کو کامیابی پر مبارکباد دیتے ہوئے کہا ہے کہ میں بنگلہ دیش میں ہونے والے پارلیمانی انتخابات میں بی این پی کو شاندار کامیابی سے ہمکنار کرنے پر مسٹر طارق رحمان کو دلی مبارکباد پیش کرتا ہوں۔
’میں بنگلہ دیش کے عوام کو بھی کامیاب اور پُرامن انداز میں انتخابات کے انعقاد پر مبارکباد دیتا ہوں۔‘
وزیراعظم نے کہا کہ میں بنگلہ دیش کی نئی قیادت کے ساتھ مل کر کام کرنے کا خواہاں ہوں تاکہ ہمارے تاریخی اور برادرانہ، کثیرالجہتی دوطرفہ تعلقات کو مزید مضبوط بنایا جا سکے اور جنوبی ایشیا اور اس سے آگے امن، استحکام اور ترقی کے مشترکہ اہداف کو آگے بڑھایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: میں بنگلہ دیش نے بنگلہ دیش بنگلہ دیش کے کہا کہ
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا