ٹی 20 ورلڈ کپ کا اہم ترین ٹاکرا: پاک بھارت میچ میں بارش رکاوٹ
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ٹی 20 ورلڈکپ کے سب سے زیادہ متوقع مقابلوں میں شمار ہونے والا پاکستان اور بھارت کے میچ میں بارش رکاوٹ بننے کا امکان ہے۔
خبر رساں اداروں کے مطابق کولمبو کے پریمی داسا اسٹیڈیم میں 15 فروری کو شیڈول اس ہائی وولٹیج مقابلے کے بارے میں موسمیاتی ماہرین نے خدشہ ظاہر کیا ہے کہ خراب موسم کھیل کا مزہ کرکرا کر سکتا ہے۔
کولمبو کا موسم اپنی غیر متوقع بارشوں کے لیے مشہور ہے اور تازہ پیشگوئیوں کے مطابق جمعے سے شروع ہونے والا بارش کا سلسلہ آئندہ کئی روز جاری رہنے کا امکان ہے۔
رپورٹس کے مطابق اتوار کے روز جب پاکستان اور بھارت کی ٹیمیں آمنے سامنے ہوں گی، گرج چمک کے ساتھ بارش کی پیشگوئی کی گئی ہے۔ شائقین کرکٹ کی بڑی تعداد اس مقابلے کو ورلڈکپ کا فیصلہ کن مرحلہ تصور کر رہی ہے اور سوشل میڈیا پر دعائیں کی جا رہی ہیں کہ موسم مہربان رہے۔
پاکستانی ٹیم اس سے قبل اپنا وارم اپ میچ بھی بارش کے باعث مکمل نہ کھیل سکی، جس سے کھلاڑیوں کی تیاری متاثر ہوئی۔ اگر اتوار کو بھی بارش مداخلت کرتی ہے تو پوائنٹس کی تقسیم یا میچ کی منسوخی پاکستان کے لیے سپر ایٹ مرحلے تک رسائی کی راہ میں مشکلات کھڑی کر سکتی ہے۔
دوسری جانب بھارتی ٹیم بھی اس مقابلے کو اپنی مہم کے لیے اہم سمجھتی ہے اور دونوں ٹیموں کے درمیان تاریخی رقابت اس میچ کو غیر معمولی اہمیت دیتی ہے۔
کرکٹ ماہرین کے مطابق پاک بھارت مقابلہ صرف ایک کھیل نہیں بلکہ کروڑوں مداحوں کے جذبات کا مرکز ہوتا ہے، اس لیے موسمی رکاوٹ کسی بڑے دھچکے سے کم نہیں ہوگی۔
اب نظریں آسمان پر جمی ہیں اور امید یہی کی جا رہی ہے کہ موسم صاف ہو اور شائقین کو ایک مکمل اور سنسنی خیز مقابلہ دیکھنے کا موقع مل سکے۔
.
ذریعہ
ذریعہ: Jasarat News
کلیدی لفظ: کے مطابق
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے