بھارت میں نیپاہ وائرس سے نرس جاں بحق
اشاعت کی تاریخ: 13th, February 2026 GMT
مشرقی بھارتی ریاست ویسٹ بنگال میں دسمبر میں مہلک نیپاہ وائرس سے متاثر ہونے والی ایک نرس انتقال کر گئیں
ریاست میں صرف دو افراد وائرس سے متاثر ہوئے تھے اور متاثرہ نرس مقامی اسپتال میں زیر علاج تھیں۔ ریاستی صحت حکام نے ان کی موت کی تصدیق کی ہے۔
یہ بھی پڑھیں: بھارت میں نیپاہ وائرس کا سایہ اور ٹی20 ورلڈ کپ
سیکرٹری صحت نے بتایا کہ ’خاتون کی حالت انتہائی نازک تھی اور وہ دل کے دورے کے باعث وفات پا گئی ہیں‘۔ بھارت میں نیپاہ وائرس کے انفیکشن وقتاً فوقتاً رپورٹ ہوتے رہتے ہیں جبکہ جنوبی ریاست کیرالہ دنیا کے سب سے زیادہ خطرناک علاقوں میں شامل ہے۔
واضح رہے کہ نیپاہ وائرس کا شمار دنیا کے خطرناک ترین وائرسز میں کیا جاتا ہے، یہ خطرناک وائرس پہلی بار 99-1998ء میں ملائیشیا میں سور پالنے والے کسانوں میں پھیلنے والی ایک پراسرار بیماری کے طور پر سامنے آیا تھا۔
یہ بھی پڑھیں: آن لائن جوا تشہیر کیس: ڈکی بھائی اور اہلیہ پر فردِ جرم عائد، یوٹیوبر کا صحتِ جرم سے انکار
نیپاہ وائرس عام طور پر متاثرہ چمگادڑ یا ان سے آلودہ پھلوں کے ذریعے انسانوں میں منتقل ہوتا ہے۔ یہ بخار اور دماغی سوزش پیدا کر سکتا ہے اور اس کی اموات کی شرح 40 فیصد سے 75 فیصد کے درمیان بتائی گئی ہے۔
تھائی لینڈ، سنگاپور اور پاکستان نے بھارت میں انفیکشن کی تصدیق کے بعد ہوائی اڈوں پر سکریننگ سخت کر دی تھی، تاہم World Health Organization (WHO) نے خبردار کیا تھا کہ وائرس کے پھیلاؤ کا خطرہ کم ہے۔
اس سے قبل جنوری میں بنگلہ دیش میں بھی ایک خاتون نیپاہ وائرس سے متاثر ہو کر انتقال کر گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت بھارت میں نیپاہ وائرس ٹی 20 ورلڈ کپ نیپاہ وائرس.
ذریعہ
ذریعہ: WE News
کلیدی لفظ: بھارت بھارت میں نیپاہ وائرس ٹی 20 ورلڈ کپ نیپاہ وائرس بھارت میں نیپاہ وائرس وائرس سے
پڑھیں:
مصنوعی مٹھاس دماغی صحت کے لیے خطرہ؟ نئی تحقیق میں یادداشت متاثر ہونے کا اشارہ
ایک نئی سائنسی تحقیق میں یہ انکشاف سامنے آیا ہے کہ مصنوعی مٹھاس کا زیادہ استعمال یادداشت اور ذہنی صلاحیتوں میں تیزی سے آنے والی کمی سے تعلق رکھ سکتا ہے۔ ماہرین کا کہنا ہے کہ اگرچہ یہ اجزا چینی کے متبادل کے طور پر استعمال کیے جاتے ہیں، تاہم ان کے طویل المدتی اثرات دماغی صحت کے لیے تشویش کا باعث بن سکتے ہیں۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کی آٹھ برس تک نگرانی کی گئی۔ تحقیق کے دوران کم یا بغیر کیلوریز والی مٹھاس کے سات عام اجزا کا جائزہ لیا گیا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے۔
تحقیقی نتائج کے مطابق وہ افراد جو روزانہ اوسطاً 191 ملی گرام مصنوعی مٹھاس استعمال کرتے تھے، جو تقریباً ایک کین ڈائٹ سوڈا میں موجود ایسپارٹیم کے برابر مقدار ہے، ان میں کم استعمال کرنے والوں کے مقابلے میں یادداشت اور ذہنی کارکردگی میں کمی کی رفتار 62 فیصد زیادہ دیکھی گئی۔
اسی طرح درمیانی مقدار میں مصنوعی مٹھاس استعمال کرنے والے افراد میں بھی ذہنی صلاحیتوں میں کمی کا خطرہ نمایاں رہا، جہاں یہ شرح کم استعمال کرنے والوں کے مقابلے میں 35 فیصد زیادہ ریکارڈ کی گئی۔
محققین کے مطابق یہ تعلق 60 سال سے کم عمر افراد اور ذیابیطس کے مریضوں میں زیادہ نمایاں دیکھا گیا، کیونکہ یہ افراد عام چینی کے بجائے مصنوعی مٹھاس کا زیادہ استعمال کرتے ہیں۔
تحقیق میں شامل سات میٹھے اجزا میں سے صرف ٹیگاٹوز ایسا جز تھا جس کا ذہنی صلاحیتوں میں تیز رفتار کمی سے واضح تعلق سامنے نہیں آیا، جبکہ باقی چھ اجزا اس خطرے سے منسلک پائے گئے۔
تحقیق کی مرکزی مصنفہ، یونیورسٹی آف ساؤ پالو سے وابستہ ڈاکٹر کلاڈیا کیمی سوئیموتو نے کہا کہ مصنوعی مٹھاس کو عموماً صحت مند متبادل سمجھا جاتا ہے، لیکن تحقیق کے نتائج اس بات کی نشاندہی کرتے ہیں کہ بعض مصنوعی میٹھے اجزا طویل عرصے تک استعمال کیے جانے کی صورت میں دماغی صحت پر منفی اثرات مرتب کر سکتے ہیں۔
یہ مصنوعی مٹھاس عام طور پر ڈائٹ سوڈا، فلیورڈ واٹر، انرجی ڈرنکس، دہی اور دیگر کم کیلوریز والی پراسیسڈ غذاؤں میں استعمال کی جاتی ہے۔
تاہم محققین نے اس بات پر بھی زور دیا کہ یہ ایک مشاہداتی تحقیق ہے، اس لیے اس سے یہ حتمی نتیجہ اخذ نہیں کیا جا سکتا کہ مصنوعی مٹھاس ہی براہِ راست یادداشت میں کمی کی وجہ بنتی ہے۔ ان کے مطابق ان نتائج کی مزید تصدیق اور مختلف متبادل میٹھے اجزا کے اثرات جانچنے کے لیے مزید سائنسی تحقیق کی ضرورت ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا